MATEOS 11:11 - Susula Malalaok Hehelu Palak Ma Hehelu Beuk

¹¹ Mafandendelek te! Nai daebafak ia, beita hapu hataholi ba'u lena Yohanis Mana Salani ka fa. Leomae leondiak boeo, hataholi fo anak nanseli nai Manetualain hataholi kamahehele nala dalek, ba'u lena heni Yohanis.

MATEOS 11:11 ပူးပေါင်းရင်းမြစ်များ

AYUB 14:1

Mulai neme hataholi ndia bongin mai-a, aon-na manandole-ndakuk, ma be'i-balakain ta; So'dan-na keke'uanak, boema henuk no doidosok-ka.

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

AYUB 15:14

Ade, hataholi daebafak-ka, salan ta makandondook do? Ade, bisa ndia ndoos, nai Manetualain matan-na do?

AYUB 25:4

Ade, hataholi daebafak-ka, bisa malalao-malalafuk nai Manetualain mata memeten-na do ta? Ade, neuisik nai mata memeten-na do ta?

MAZMUR 51:5

Nana au manaku au salang-ngala, au afandendelek au sala-singong tataas esa.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

MATEOS 11:10

Nana Yohanis ndia nde nanasulak nai Susula Malalao ka lalane na dalek nae, ‘Manetualain nafa'da nae, Au hataholi nadedenu nga, nde ndia Au adenu akahulu kana neme O mai fo ela ana soi enok fe O.’

MATEOS 11:12

Mulai neme Yohanis tui-benga tutui-bebengan losa besak ia, boema Manetualain hataholi kamahehele nala nanalena la'bak neme hataholi mana sanga enok ninik be'i-balakai kala mai.

MATEOS 3:1

Nai lelek ndia, Yohanis Mana Salani ka ana mai neme Yudea mo solokae na mai de ana tui-benga nae,

MATEOS 3:11

Au salani emi ninik oe fo daenga emi tukatei-saledale meme emi sala-singo mala mai; tehu basa au fai nga soona, hataholi esa ana mai fo, Ana salani emi ninik Manetualain Dula Dale na ma ha'i. Hataholi ndia ba'ulena au, de au ta andaa ho'u ta'buei na boen.

MATEOS 5:19

Hu ndia de, metema see la'olena paleta sila la, leomae ka'da de'ek esa boe, boema nanoli hataholi fe'e kala fo ala tao leondiak boe, soona neukose hataholi ndia ana da'di kome'doana nanseli nai Manetualain hataholi kamahehele nala tala'da. Nasafali na, ba'eneu see fo nakalala'ok paleta sila la no malole na, boema nanoli hataholi fe'e kala, fo daenga ala tao leondiak boe, soona neukose ana da'di matuaina nai Manetualain hataholi kamahehele nala tala'da.

LUKAS 1:15

Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

LUKAS 7:28

Yesus nafa'da boe nae, “Mafandendelek leona, te nai daebafak ia beita hapu hataholi matua lenaheni Yohanis Mana Salani ka. Tehu hataholi fo, kome'doana nanseli nai Manetualain hataholi kamahehele nala tala'da, matua lenaheni Yohanis Mana Salani ka.”

LUKAS 9:48

Boema nafa'da ana manatunga nala nae, “Hataholi fo ana sipok ni'iana ia nanahu Au soona, sosoa na nae, ana sipok Au. Ma hataholi fo mana sipok Au a, ana sipok Ndia fo manamadenu Au a. Nana hataholi fo kome'doana nai emi tala'da, ndia nde matua lena!”

YOHANIS 1:15

Yohanis ana mai fo ana da'di sakasii na, de ana tui-benga nae: “Au afa'da hataholi a nde Ndia so; Neukose Ana mai nakabuik neme au mai, tehu ba'u lena au, nanahu au beita da'di fa te, Ndia da'di so.”

YOHANIS 1:27

Ana mai nakabuik neme au mai, tehu se'i ta'bu ei na tali na boeo, au ta andaa fa.”

YOHANIS 10:41

Hataholi makadotok ala mai, boema ala kokolak lae, “Yohanis ta tao-no'i manda'di beuk fa, tehu basa hata fo nafa'dan la'eneu hataholi ia, memak tete'e ka la'en.”

YOHANIS 3:30

Hataholi ndia, muse boetai namatua ka, boema au muse boetai amana ka.”

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.

YOHANIS 7:39

Yesus kokolak la'eneu see namahelen soona, neukose ana sipo Manetualain Dula Dale na. Nanahu lelek ndia, Manetualain beita fe Dula Dale na mai fa. Hu ka nde Yesus beita nananamatutua-namadedemak ninik mamate na fa.)

1 KORINTUS 15:9

Au nde bee na Lamatua ka hataholi nadedenun fo nai daeanak nanseli. Au ta andaa nanaseseik Lamatua ka hataholi nadedenun fa, nana au fepa-li'u basa Manetualain hataholi kamahehele nala so.

1 KORINTUS 6:4

Boema metema dede'ak leo sila kala moli-da'di soona, ade emi minin leo hataholi fo ana ta ho'u paleta hata esa boen, nai hataholi salani ka dalek neu do?

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;

2 TIMOTIUS 1:10

Boema besak ia, Manetualain natu'du susue-lalain ndia neu ita, ninik ita Mane Mana Fe So'da na fo Kristus Yesus mamai na. Yesus sengi mamate sa koasa na, de nini so'da mana ketu basa ta ka, tunga Hala Malole ndia.

IBRANI 11:40

nanahu Manetualain nanuu dale tutu'uk fo malole na lena soaneu ita. Dale tutu'u na nde nae, ka'da sama-sama no ita, neukose sila latetu-landaa.

1 PETRUS 1:10

So'da molek ndia nde, basa nabi la palisak matalololenana, ma lafa'da ela baba'e-papalak fo Manetualain fen neu emi ndia.

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.