MATEOS 10:5 - Susula Malalaok Hehelu Palak Ma Hehelu Beuk

⁵ Basa boema Yesus nadenu ana mana tunga kasanahulu duan sila la, de Ana fes natutu'du kala nde ia nae, “Boso meu leo hataholi ta Yahudi la nusa nala meu. Ma boso meu leo hataholi Samaria la kota nala meu boe.

MATEOS 10:5 ပူးပေါင်းရင်းမြစ်များ

MATEOS 22:3

Manek ndia, nadenu malalau-maoono nala, leu lala hataholi nanaka'i kala leo feta ndia leu. Tehu hataholi nanaka'i sila la ta nau mai fa.

MATEOS 4:15

“Dae Zebolun ma dae Naftali a, nai enok leo dano neu, fo nai Lee Yarde na selik, Galilea fo hataholi ta Yahudi la dae na!

MARKUS 6:7

Yesus nalo na ana mana tunga kasanahulu dua nala de nadenus ala la'ok dua-dua, ma Ana fes koasa, fo ala usiheni dula dale mangalau kala.

LUKAS 10:1

Basa ndia de Lamatua ka hele na ana manatungan hituhulu seluk, boema nadenus ala la'ok dua-dua lakahuluk leme Yesus leo basa kota ma mamanak fo sanga neu donge-dama kala.

LUKAS 10:33

Tehu basa boema hataholi Samaria esa ana la'ok tunga enok ndia boe. Lelek nita hataholi ndia, boema dale na he'di nanseli, nana ana kasia nana.

LUKAS 17:16

Boema nai Yesus matan, ana sene-do'ok ma noke makasi neun. Hataholi ndia hataholi Samaria.

LUKAS 9:1

Yesus nalo ana manatunga kasanahulu dua nala, boema Ana fes koasa fo ala usiheni dula dale mangalau kala ma lakahahaik he'di lau sala.

LUKAS 9:2

Basa boema nadenus leu lakahahaik hataholi kamahe'di kala, ma ala tui-benga halak la'eneu tao leo beek fo Manetualain paleta leo Mane ka.

YOHANIS 17:18

Sama leo Ama ka nadenu Au leo daebafa ka ia mai so, leondiak boe, Au adenus leo daebafa ka leu.

YOHANIS 20:21

Boema Yesus nafa'da la'iesa selukasa nae, “So'da-molek ba'eneu emibasamala. Sama na leo Ama ka nadenu Au, leondiak boe, Au adenu emi.”

YOHANIS 4:20

Ami bei-ba'ikai mala, sene-do'ok neu Manetualain nai letek ia lain, tehu Tuan hataholi nala lafa'da lae, hataholi a sene-do'ok neu Manetualain, ka'da nai Yerusalem mesa kana.”

YOHANIS 4:5

Boema Yesus losa kota esa nai Samaria, na'de Sikhar, ta doo ka neme dae fo makahulu na Yakob fen neu anan Yusuf.

YOHANIS 4:9

Boema ina Samaria ndia nae, “Manetualain hataholi Yahudi, ma au hataholi Samaria; ma tao le'e de, Manetualain noke au oe?” (Nanahu, hataholi Yahudi la ta bole kokolak lo hataholi Samaria la fa.)

YOHANIS 7:35

Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

HATAHOLI 8:1

Ma Saulus sipok kanisak ndia no namahokok boe. Faik ndia dale na boe, ala usi salanik manai Yerusalem-mala, de nalosa hataholi kamahehele kala lalai tapasasala leo basa nusa Yudea no Samaria lala'ena leu, ta'da fe'e Lamatua ka hataholi nadedenu nala soona, ta lalai fa.

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!