MATEOS 10:37 - Susula Malalaok Hehelu Palak Ma Hehelu Beuk

³⁷ Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MATEOS 10:37 ပူးပေါင်းရင်းမြစ်များ

KEJADIAN 21:11

Sara nonoken ndia, taon-na Abraham dalen-na, ta tesa-tama makandondook fa, nanahu ndia anan Ismael boe.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

MATEOS 22:37

Boema Yesus nataa nae, “Sue-lai o Manetualaim no o dale katema tua ma, no basa o ao paa samanem, ma no basa o dudu'a-aafim.

MATEOS 22:8

Basa ndia boema nalo na malalau-maoono nala de nafa'das nae, ‘Feta ka'bi nga nanasadia basak so, tehu hataholi nanaka'i kala ta landaa fa.

LUKAS 14:26

“Metema hataholi mai leo Au mai, tehu ana sue-lai inan, aman, saoina na, ana nala, ma tolanoo nala, lena-lenak aoina na lenaheni Au soona, ana ta bisa da'di Au ana manatungang fa.

LUKAS 20:35

tehu hataholi fo nandaa soaneu nanatao naso'da falik neme mamate sa mai, ma naso'da nai le'do fai manamai ka, ala ta saoana so'on.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

NINITAK 3:4

Tehu hataholi de'ubee nai emi dalek lai Sardis, bei laso'da malalaok lahele da'dileo hataholi Salani ka. Mahani te neukose hataholi sila la pake bua-lo'a fulak fo ala la'ok sama-sama lo Au, nanahu sila landaa soaneu dede'ak ndia.

SEMUEL SUSULAK-KA ESAN-NA 2:29

Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?