MATEOS 10:27 - Susula Malalaok Hehelu Palak Ma Hehelu Beuk

²⁷ Hata fo Au afa'dan neu emi ia, bei nai makahatuk dale, tehu emi muse mafa'da selu kana no mangale'dok. Boema hata fo lamakukutu kana neu emi di'idoo ma, meu po'a-benga maloloan!

MATEOS 10:27 ပူးပေါင်းရင်းမြစ်များ

YESAYA 22:1

Hala heheluk la'eneu Bafak Ninitak-ka nde ia: Hai, laun Yerusalem-mala lemin, tao le'e de, emi basa-basam-mala kae leo uma punin-na meu?

MATEOS 24:17

Hataholi manai uma punin lai na, ana boso kona fo ana ho'i hata-hata neme uma dale mai.

LUKAS 12:3

Fo emi mafa'dan nai fai le'odae na, neukose nananamanenek nai fai lele'do na. Fo emi mamakukutu kana nai hataholi a di'idoo na nai kama nanakenak dale a, neukose nanapo'a-benga namaloloak neme uma puni na mai.”

LUKAS 8:10

Yesus nataa nae, “Emi nanafe baba'e-babatik basa soaneu bubuluk bibila-babaak la'eneu tao leo beek Manetualain paleta da'dileo Mane ka. Tehu hataholi fe'e kala soona, nanananolik ninik nakandandaak, fo ela ala taoafi kana, tehu ala ta bubuluk hata fo ana da'di fa, ma lamanene tehu ta lalela kana fa.”

YOHANIS 16:1

Au afa'da basa sila la neu emi, fo ela emi boso fali deak.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

YOHANIS 16:25

“Au afa'da basa ia la neu emi ninik nakandandaak. Tehu neukose fai na losa te, Au ta pake nakandandaak so'on, Au kokolak o emi no mangale'dok la'eneu Ama ka.

YOHANIS 16:29

Boema Yesus ana manatunga nala lafa'dan lae, “Besak ia, Manetualain kokolak no mangale'dok te ta pake nakandandaak so'on,

HATAHOLI 17:17

Hu ndia de nai uma mamaso kala dalek, Paulus natukaaafik no hataholi Yahudi la, ma hataholi kamahehelek neu Manetualai na. Leondiak boe, tunga faik natukaaafik no hataholi manai pasa kala.

HATAHOLI 5:20

“Meu mapadeik meu Amak Manetualain Uman dale, fo tui-benga neu basa hataholi la la'eneu so'da beuk ia.”

HATAHOLI 5:28

Imam matuaina nafa'das nae, “Ami kena-ka'i emi no mahelek fo boso boe manoli la'eneu Hataholi ndia bai. Tehu besak ia so'ba mete su'di kana, emi tao beek ia! Emi tui-benga mamaloa emi nanolim ndia nai basa Yerusalem lala'ena, tehu emi nau kalaak masafali ami mae, ami nde tataom Hataholi ndia mamate na.”

2 KORINTUS 3:12

Hu ka nde ami manuu namahehena leondia ka de, ami mapalani kokolak leondiak.