MATEOS 10:23 - Susula Malalaok Hehelu Palak Ma Hehelu Beuk

²³ Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MATEOS 10:23 ပူးပေါင်းရင်းမြစ်များ

YEREMIA 26:21

Lelek manek Yoyakim no malanga soloda'dun-nala ma basa manaho'u paleta-la lamanene Uria hala-kokolan boema manek-ka ito ato fo ana tao nisan. Tehu Uria namanene dede'ak ndia boema ana da'di manabiik de nalai leo Masir neu.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

MATEOS 2:13

Hataholi malela nduuk sila la la'o boema, Lamatua ka ata nusa so'dan esa natu'du ao na neu Yusuf nai me'is esa dalek nae, “Herodes tutu'u basa, ana sanga ni'iana ndia fo ana sanga taonisan. Hu ndia de fo'a leona, fo malai mo ni'iana ndia no inan leo Masir meu. Leo mahele meme naa, losa Au kokolak seluk o emi.”

MATEOS 23:34

Mamanene matalolole, te neukose Au haitua fe emi nabi-nabi, hataholi manatee tenok, ma mese-mese nala; tehu neukose emi taomisa hataholi sila la nggelok, boema emi lona nggange nggelok. Hapu nggelok neukose emi fepa-li'us nai uma mamaso kala dalek, ma emi usis leme kota esa leo kota esa.

MATEOS 23:36

Mamahele: te neukose hataholi lelek besak ia la nde lu'a-lepa basa sila la!”

MATEOS 24:27

Nanahu, Ana Hataholi ka mamai na sama leo ndela sa nangale'do neme dulu mai, fo nangale'do losa muli.

MATEOS 24:30

Basa ndia soona, ta'du-tana Ana Hataholi ka nananitak nai lalai. Neu lelek ndia, basa leoina manai daebafa ka neukose ala kii makaleleu. Neukose lita Ana Hataholi ka Ana mai nai ko'as lain no koasa ma mandela-masa'a matua ina.

MATEOS 24:34

Bubuluk leona! Te hataholi maso'dak besak ia la beita mate fas, te basa dede'ak sila la ala da'di so.

MATEOS 24:48

Tehu metema malalau-maoono ndia mangalau ka soona, neukose ana dodoo nai dalen dale nae,

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MATEOS 26:64

Boema Yesus nataa nae, “O nde mafa'da mae leondia. Tehu mamahele leona: te mulai hatematak ia, neukose emi mita Ana Hataholi ka nangatuuk nai Manetualain fo Mana Koasa boboa kona na, boema Ana mai nai ko'as lain nai lalai!”

MATEOS 4:12

Lelek fo Yesus namanene ala tao Yohanis leo bui dale neu boema, Ana la'oheok leo Galilea neu.

MARKUS 13:26

Nai lelek ndia, neukose Ana Hataholi ka Ana mai nai ko'as dale no koasa matuaina na, ma mandela-masa'an.

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

LUKAS 21:27

Nai lelek ndia nde Ana Hataholi ka neukose ana mai nai koas dale koasa ma ndela-sa'a matuaina na.

YOHANIS 7:1

Basa ndia boema, Yesus neu leo basa mamanak lala'ena, nai Galilea. Ana ta nau neu leo Yudea neu fa, nana basa manakoasa Yahudi manai Yudea la lape'da dalek lon fo ala sanga taolisan.

HATAHOLI 17:10

Le'odaek ndia, hataholi kamahehelek manai kota ndia, ladenu Paulus no Silas leu leo Berea leu. Ala losa naa boema, leu leo hataholi Yahudi la uma mamason dale leu.

HATAHOLI 17:14

Boema no lai-laik tolanook manai Berea la lo Paulus leo tasi su'u na neu, tehu Silas no Timotius soona, ala leo lahele leme kota ndia.

HATAHOLI 20:1

Nai Efesus nee nee-lino lino boema, Paulus nalo nakabubua basa hataholi salani kala, de natetea-nahehele dale nala. Basa boema nate'as, de neu leo Makedonia neu.

HATAHOLI 8:1

Ma Saulus sipok kanisak ndia no namahokok boe. Faik ndia dale na boe, ala usi salanik manai Yerusalem-mala, de nalosa hataholi kamahehele kala lalai tapasasala leo basa nusa Yudea no Samaria lala'ena leu, ta'da fe'e Lamatua ka hataholi nadedenu nala soona, ta lalai fa.