MATEOS 10:21 - Susula Malalaok Hehelu Palak Ma Hehelu Beuk

²¹ Neukose losa fai na te, hataholi a fe tolanoo na leo hataholi fe'ek neu fo ala tao lisan, Ma dede'ak ndia boeo, neukose ana da'di neu ama ka no ana ka. Ana kala, ala la'ban ina-ama nala, Ala fe ina-aman leo hataholi fe'ek leu fo, ala tao lisas.

MATEOS 10:21 ပူးပေါင်းရင်းမြစ်များ

2 SEMUEL 16:11

Boema, Dauk nafa'da seluk Abisai, ma basa atan-nala nae, “Au ana bonging-nga boeo, ana sanga enok fo sanga taonisa au; tao le'e de, emi mita Benyamin hataholin ia, ha'da-paliin boema, emi dodoo doak-kana? Manetualain nde nadenun fo ana soo-supa au-a; hu ndia de, boso taon le'e esa boen, nemen-na fo ana soo-supa nakandoo.

AYUB 19:19

Au tia-lai maloleng-ngala, mete au soona, ala malua; au sue-lai hataholi-la, ala la'oela au.

MAZMUR 50:20

O makasasa'ek dede'ak nakandoo neu o tolanoom-ma, ma o kokolak dede'a ta malole neu o tolanoo bongim-ma.

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

MATEOS 24:10

Neu lelek ndia te neukose hataholi ba'u ka fali deak, ma ala da'di mana ke'dindiuk, boema esa nakamuu-nakadau esa.