MATEOS 10:18 - Susula Malalaok Hehelu Palak Ma Hehelu Beuk

¹⁸ Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 10:18 ပူးပေါင်းရင်းမြစ်များ

MAZMUR 119:46

Neukose au tui-benga O nakanenetem-mala neu mane-manek-kala, de neukose au ta hapu mamaek fa.

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

MATEOS 10:19

Tehu meteme lo emi, fo ala palisak emi soona, boso bii la'eneu hata fo emi muse kokola kana. Nana hata fo emi muse kokola kana ndia, neukose nananafa'dak neu emi, la'e fai na.

MATEOS 8:4

Boema Yesus nafa'dan nae, “Mafandendelek! Boso tui hataholi esa boen. Tehu besak ia mu leo ima ma mu fo moken nafa'da nae, tete'e ka o hai so. Basa ndia soona, fe tutunu-hohotuk tunga Musa paleta na, fo ana da'di buti esa soaneu hataholi la bubuluk lae, te'e-te'e o lea-hai so!”

MARKUS 13:9

Emi muse manea matalolole, nana neukose ala ho'u la emi fo ala lele'a-loloso emi leo manamaketu-mala'di Agama matua meu. Neukose ala fepa-li'u emi nai uma mamaso kala dalek. Neukose lo emi meu mataa manaho'u paleta la ma mane kala, nana Au ana mana tungang emi. Tehu no dede'ak ndia fo emi hapu fai loak soaneu emi tui-benga Au neu hataholi sila la.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 11:7

Ala tui-benga basa tutui-bebengan soona, bana manakaluak neme faka mamate sa dalek mai a, neukose ana laba nasa. Neukose bana ndia sengi duas fo ana taonisas.

NINITAK 6:9

Basa ndia boema Bi'ilopo Ana ndia siiba'e segel kalima. Boema au ita nai mei tutunu-hohotu ka dae, hapu samanek fo hataholi manamatek nanataonisak, nanahu ala tao latea-lahele hala heheluk maneme Manetualain mai, tunga sila tutui-bebengan.