MATEOS 10:14 - Susula Malalaok Hehelu Palak Ma Hehelu Beuk

¹⁴ Makanaema hapu uma do kota esa, ala ta nau sipok emi, do ala ta nau lamanene emi tutui-bebengam fa soona, la'oela mamanak ndia, tehu ngganggafu heni afu manai emi ei dale ma.

MATEOS 10:14 ပူးပေါင်းရင်းမြစ်များ

NEHEMIA 5:13

Basa boema, au se'i-a kalikee manai au tala'dang-nga, boema au ngganggafun ma au afa'da ae, “Ela leo been-na Manetualain ngganggafu leoiak soaneu hataholi see fo ana ta nau tao natetu hala hehelun-na fa. Neukose hataholi ndia da'di maleu-malaak, neukose Manetualain ho'i-na uman-na ma hata-heton-nala!” Basa hataholi manai nakabuak ndia dalek-ka, lataa lae, “Amin!” boema ala koa-kio Manetualain. Boema basa mauli-malangan sila-la, tao latetu sila hala hehelun-na.

MATEOS 10:13

Makanaema hataholi manai uma ndia dalek, ala sipok emi soona, emi nate'am ndia nahele nos. Tehu makanaema, ala ta sipok emi fa soona, hela falik emi nate'am ndia.

MATEOS 18:5

Ma hataholi fo ana sipok ni'iana fo leo ia ka hu ka nde Au, soona sosoa na nae, ana sipok Au.”

MARKUS 6:11

Tehu makanaema emi losa mamanak esa fo hataholi sila la ta nau sipok emi do ala ta nau lamanene emi fa soona, la'oela mamanak ndia. Soona ngganggafuheni afu manai emi ei dale ma, fo ana da'di neu nasanene'dak esa soaneu hataholi sila la!”

MARKUS 9:37

“Hataholi fo ana sipok ni'iana esa leoiak nanahu Au, soona sosoa na nae, ana sipok Au. Ma hataholi mana sipok Au a, ana ta sipok ka'da Au mesa nga nde ndia fa, tehu ana sipok Ndia fo manamadenu Au a boe.”

LUKAS 9:48

Boema nafa'da ana manatunga nala nae, “Hataholi fo ana sipok ni'iana ia nanahu Au soona, sosoa na nae, ana sipok Au. Ma hataholi fo mana sipok Au a, ana sipok Ndia fo manamadenu Au a. Nana hataholi fo kome'doana nai emi tala'da, ndia nde matua lena!”

LUKAS 9:5

Ma nai bee ala ta sipok emi fa soona, nai lelek emi la'oela kota ndia, ngganggafuheni daesopu ka neme emi ei dale ma da'dileo nasanene'dak soaneus.”

YOHANIS 13:20

Au dede'ang ia tete'e ka la'en: See sipok hataholi fo Au adenu ka soona, ana sipok Au boe. Ma see sipok Au soona, ana sipok Ndia fo manamadenu Au a boe.”

HATAHOLI 13:51

Boema hataholi nadedenu kaduak sila la, ala sasapuheni daesopuk manai duas ei dale nala nai hataholi sila la matan, fo ana da'di neu nasanene'dak esa, boema duas la'o leo Ikonium leu.

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.