MATEOS 1:19 - Susula Malalaok Hehelu Palak Ma Hehelu Beuk

¹⁹ Nana Yusuf fo nahiik no Maria ia nde bee na hataholi malole ma ana tunga te'e-te'e no agama hoholo-lalanen. Da'di ana dodoo nae, ana sanga nggaliheni Maria no denge-dengek fo sue ka nde hataholi ba'u boso lakamamaek Maria.

MATEOS 1:19 ပူးပေါင်းရင်းမြစ်များ

KEJADIAN 38:24

Fafa'kama basa bulak telu boema, Yehuda hapu halak lae Tamar fo manafeu na da'di manasosoa-piaok ma nailu so. Boema Yehuda fe paletan-na, “Meu malan fo hotumisan!”

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

IMAMAT 19:20

Metema, touk esa naheluk sanga nase'o ata inan-na leo tou fe'ek neu, fo ana taon da'di sao makahatun, tehu hataholi manaasa ata ndia, beita bae fa, boema ata ndia tuan-na sungu no ata ndia soona, muse huku duas, tehu boso hukunisas, nana tao leo beek boeo, inak ndia bei da'di touk ndia atan.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

MARKUS 10:4

Boema lataa lae, “Musa fe hataholi loak fo ala elaheni saoinan na, sa'di ala sulak lakahuluk susula naela ka.”

MARKUS 6:20

Hu ka nde Herodes nadenu basa hataholi fo lanea matalolole Yohanis maso'da na nai bui dale, nana ana bii Yohanis. Ana bubuluk Yohanis ia hataholi esa malole, fo nananadenuk neme Manetualain mai. Ma memak metema Yohanis kokolak soona, Herodes boeo nau namanenen, leomae hu ka nde Yohanis de dale na he'dis nanseli.

LUKAS 2:25

Lelek ndia nai Yerusalem, hapu hataholi esa na'de Simeon. Hataholi ndia hataholi malole, fo ana bii neu Manetualain, ma ana bei nahani fai na losa ba'eneu Manetualain soi-tefa hataholi Israe la. Manetualain Dula Dale na koasa nan,

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 27:39

Mangale'do boema, ofa isi la mete lita dae ma'da ka, tehu ala ta bubuluk dae ma'dak ndia nai bee ndia fa. Ala mete lita namo esa solokae na boema ala dodoo lae, ala fe ofa ka ana see neu namo ndia.

2 KORINTUS 1:15

Hu ka nde namahehelek ndia de neme makasososan mai a, au tutu'u basa ne'i donge-dama emi, fo ela emi hapu baba'e-papalak diku la'i dua.

ULANGAN 22:20

Tehu leounik-ka, susula kalaak ndia tete'ek-ka, ma ta hapu ta'du, nae nai lelek ala sao-a, saoinan ndia bei matatema,