MARKUS 9:3 - Susula Malalaok Hehelu Palak Ma Hehelu Beuk

³ Bua-lo'a papake na nasafali da'di fula mangadilak. Ta hapu mana safesak esa boen nai daebafak ia, ana hapu safe-saa fo fula na leondiak fa.

MARKUS 9:3 ပူးပေါင်းရင်းမြစ်များ

MAZMUR 51:7

Tete'ek-ka, au hataholi mangalauk neme lelek bongi au-a, ma au inang nailu au-a nai sala-singok-ka dalek.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

DANIAL 7:9

Lelek au bei mete akandoo te, lapadedeik kandela manek de'ubee. Boema Ndia fo so'dan-na manaketu basa taak-ka, nangatuuk nai kandela manek sila-la esa lain. Bua papaken-na ma langadoon-na fula balisi sama leo a'bas-sa. Kandela manen-na no kandelan-na ein-na pila lo'a-lo'a, nanahu ha'i pilak-ka,

MATEOS 28:3

Ata nusa so'dak ndia mata panan sama na leo ndela sa, ma papake-ngganggaon fula mangadilak.

MARKUS 9:4

Basa boema, Yesus ana mana tunga katelun sila la lita Yesus kola-kola no Elia ma Musa.

LUKAS 9:29

Yesus bei hule-haladoi te mata-panan nasafali, ma bua papake na da'di fula mangadilak.

HATAHOLI 10:30

Boema Kornalius nae, “Faik telu maneu ka, fafa'ka ma le'do a ba'u leo ia, boema au hule-haladoi nai uma la'e li'u telu le'donoso na. Boema no kaiboboianak, touk esa napadeik nai au mata nga. Bua-lo'a papake na, nandela-nasa'a.

NINITAK 19:18

Mai Leona, fo mi'a mane kala ao isi nala, malanga solda'du la ao isi nala, palani tati batu la ao isi nala. Mai leona fo mi'a manasa'e ndala la lo ndala nala ao isi nala, ma basa hataholi daebafak ala, matua ma ana, ata do hataholi ao loa kala ao isi nala!”

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.