MARKUS 8:34 - Susula Malalaok Hehelu Palak Ma Hehelu Beuk

³⁴ Basa boema, Yesus nalo hataholi makadotok manai sila la ma ana mana tunga nala de nafa'das nae, “Hataholi mananau tunga Au a, muse nafandeleheni hihii-nanaun fo basa soona, ana lu'a ai nggangena, fo ana tunga nahele Au.

MARKUS 8:34 ပူးပေါင်းရင်းမြစ်များ

1RAJA-RAJA 14:8

Au fe basa o, nusak fo Au loso an neme Dauk tititi-nonosin-nala mai. Tehu o ta sama leo Au atang Dauk fa. Ana lilineka te'e-te'e neu au ma ana tunga Au paletang-ngala. Ana taok-ka'da hata fo Au akaheik ana taon.

BILANGAN 14:24

Tehu ba'eneu Au atang Kaleb soona, ta leondiak fa. Ana lilineka nahele Au. Hu ndia de, neukose Au on leo nusak fo, ana masok hain ndia so. Besak ia, hataholi Amalek-kala, ma hataholi Kanaan-nala, leo lai masadokek ndia. Tehu, neukose, Au atang Kaleb tititi-nonosin-nala lanuu nusak ndia. Balahaa soona, emi muse lepos fali leo moo solokaek-ka, fo meu leo moo solokaek, fo manaleo Namo Akaba neu.”

MATEOS 10:38

Ma hataholi fo ana ta nau lu'a ai nggange na, fo ana tunga Au fa soona, hataholi ndia ta nandaa da'di Au ana mana tungang fa.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 27:32

Ala losa eno tala'dak boema latongo lo hataholi esa neme Kirene mai na'de Simon. Boema lakaseti hataholi ndia fo ana lu'a Yesus ai nggange na.

MARKUS 10:21

Yesus mete hataholi ndia no susue-lalaik, boema nafa'dan nae, “Bei ela ka'da dede'ak esa mesa kana, fo o paluun. Mu leona, fo mase'oheni basa o hata-heto mala, fo fe doi na neu hataholi nuu ta kala, te neukose o hapu hata-heto nai nusa so'da ka. Basa ndia soona, mai fo tunga Au.”

MARKUS 7:14

Boema Yesus nalo hataholi makadotok sila la la'i esa seluk de nafa'da nae, “Mamanene leona, fo daenga emi malelak!

LUKAS 13:24

“Sanga enok leona fo masok tunga lelesu makabi'a ka, Nana hataholi ba'u ka te'e-te'e ala sanga enok masok, tehu ala ta bisa fa.

LUKAS 14:33

Mete'ena Yesus nae, “Leondiak boe no emi. Ta hapu hataholi esa boen neme emi mai a, hapu da'di Au ana manatungang, metema ana ta nau feheni maso'da na fa.”

LUKAS 18:22

Yesus namanene dede'ak ndia boema nae, “Bei hapu seluk dede'ak esa fo o muse taon. Mase'oheni basa o hata-hetom lala'ena, fo fe doi na leo hataholi nuu ta-hata ta ka soona, neukose o hapu hata-heto nai nusa so'da ka. Basa ndia soona, mai fo tunga Au leona.”

LUKAS 20:45

Lelek hataholi la bei nenene Yesus kokolak, te nafa'da ana manatunga nala nae,

LUKAS 9:23

Basa boema Yesus nafa'da basa hataholi manai sila la nae, “Hataholi fo ana nau tunga Au a, muse nafandele heni basa paluu nala, fo ana lu'a ai nggange na tunga faik fo ana tunga nahele Au.

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

YOHANIS 19:17

Lo Yesus leo deak neu te, Yesus lu'a aon ai nggange na, de lon leo mamana ka na'de, “Mamana Langaduik.” (Fo nai dede'a Ibrani dalek soona loken lae, Golgota.)

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

ROMA 6:6

Ita bubuluk basa, ita ha'da-tatao daebafa na, Kristus mate non neme ai nggangek lain, fo ela Kristus tao nakalulutuk ita ha'da-tatao masala-masingon ndia koasa na; no enok ndia de, sala-singo ka ta paleta ita so'on.

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

1 KORINTUS 15:31

Tolano-tolanoo ngala lemin! Tunga faik, au akatatakak doidoso ka, au amahoko hu ka nde emi maso'da ma, nana emi mamahele basa neu Kristus Yesus, fo ita Lamatua na so.

1 KORINTUS 8:13

Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

1 KORINTUS 9:19

Au beita ata neu hataholi esa boen; au hataholi ao loak. Leomae leondiak boe, au tao au aoinang ia da'di ata neu basa hataholi lala'ena. Au tao ndia, fo ela au hapu sengi hataholi makadotok soaneu Kristus.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

GALATIA 5:24

Hataholi fo mana da'di Kristus Yesus hataholi nala, hataholi sila la ala tao lakamate ha'da-tatao daebafa nala no basa dale hihii masuu nala, ma hihii-nanau nala.

GALATIA 6:14

Tehu au ta nau amatutua-amadedema hata esa makandondook boen, ta'da fe'e ka'da ita Lamatuan Yesus Kristus, fo Ana mate nanalona-nggange basa ka so. Nana, hu ka nde ala lona-nggange lisan ndia de, daebafa ka sosoa-ndandaan ta ba'eneu au so. Nonoo ka bai de, au mate basa soaneu daebafa ka so boe.

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

FILIPI 3:7

Makahulu na, au ae daenga basa sila la nini nanalak fe au, tehu hu ka nde Kristus de besak ia, au bubuluk basa sila la nini tutu'dak fe au.

KOLOSE 1:24

Besak ia, au nau doi doso soaneu emi paluu ma. Au nau au ao paa nga doi doso nanahu au nau tao atetu Kristus doi doso na soaneu salani nala, fo Kristu sao na nde, salanik sila la.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

2 TESALONIKA 3:11

Ami kokolak dede'ak ia, nana ami mamanene lae, hapu hataholi la lai emi dalek, ala pela-bale. Ala ta nau tao hata esa boen, te langa nala lakadoto lo ka'da hataholi fe'ek ito-ato nala.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.

1 PETRUS 4:1

Hu ka nde Kristus doidoso tunga ao paa ka so, de emi muse tao matetea dale mala no namahehele leondia ka. Nanahu hataholi fo ana doidoso tunga ao paa ka, soona ana ta tao sala-singok so'on.

1 PETRUS 4:13

Malole lenak emi mamahoko, nanahu emi doidoso sama-sama mo Kristus. Soona mahani te, metema Kristus namatutua-namadedeman nananatu'duk soona, neukose emi mamahoko.

2 PETRUS 1:14

Nana au bubuluk basan, ta doo ka so'on te, neukose au la'oela daebafak ia, nanahu ita Lamatuan Yesus Kristus nafa'da basa au no mangale'dok so.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.