MARKUS 8:2 - Susula Malalaok Hehelu Palak Ma Hehelu Beuk

² “Au dale nga tu'da neu hataholi makadotok ia la. Faik telu dale na, hataholi sila la sama-sama lo Au, de besak ia basa nana'a nala so.

MARKUS 8:2 ပူးပေါင်းရင်းမြစ်များ

1RAJA-RAJA 19:6

Elia mete okofefeok, boema nita, loti nanatunuk biak esa ma boto oe esa, oe nai dalek deka no langan-na. Na'a ninu leona, boema nakandondoo ao seluk.

MAZMUR 103:13

Manetualain sue-lai hataholi kamahehelek-ka, sama leo amak esa, ana sue-lai anan-nala.

MAZMUR 145:15

Basa mahahae maso'dak-kala, lamahena neu O; O fes la'a la'e fain-na.

MAZMUR 145:8

Manetualain ndia, manasue ma manalai, ta haelai namanasa, ma sue-lai tataas esa.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

MATEOS 14:14

Lelek fo Yesus kona neme ofak lain mai de nita hataholi makadotok sila la boema, dale na he'di nanseli. Nai hataholi makadotok sila la dalek, hapu hataholi kamahe'dis ala boe. Boema Ana tao nalea-nahai la'iesa kasa.

MATEOS 20:34

Boema Yesus dale na tu'da, de nafaloe duas mata nala. No hatematak ndia boe duas lita, boema duas tunga Yesus.

MATEOS 9:36

Lelek fo Yesus mete nita hataholi makadotok sila la, boema dale na tu'da neus, nanahu langgangok ma bendole-bendaku, sama leo bi'ilopo fo mana foon ta.

MARKUS 1:41

Yesus dale na tu'da neu hataholi ndia de nafaloen ma nafa'dan nae, “Au nau de hai leona!”

MARKUS 5:19

Tehu Yesus ta nakaheik fa de nafa'dan nae, “Fali leona, fo mafa'da o tolanoo ka'a-fa'di mala, hata fo Lamatua ka tao no'i basan neu o so, ma mafa'das, Lamatua ka dale malolen soaneu o a!”

MARKUS 6:32

Boema ala sa'e ofak de leu leo mamanak esa nee-nee lino-lino.

MARKUS 6:34

Lelek fo Yesus kona neme ofak lain mai te nita hataholi makadotok lai ndia so. Yesus dale na tu'da, nana hataholi sila la sama leo bi'ilopo manafoo ta kala. Boema Ana mulai nanolis dede'ak ba'u ka.

MARKUS 8:3

Makanaema Au adenus ala fali no tei lou nala soona, neukose ala sapala'o lai eno tala'dak. Lena-lenak nai hataholi sila la dalek, hapu hataholi nggelok ala mai leme dae dook mai.”

MARKUS 9:22

“Dula dale mangalauk ndia, la'i esa-la'iesa ana sanga enok fo ana taonisan, ninik ana fen tu'da leo ha'i dale, do oe dale neu. Tehu metema Ama nau tulu-fali soona, ela leo bee na Ama sue-lai ma tulu-fali ami dei!”

LUKAS 15:20

Boema no lai-laik ana fali ne'un leo aman uman neu leona. Neu de bei nai doo ka no uma te, aman nitan so. Boema aman dale na tu'da de nalai neu solu kana, tutika ana holu nan de ana de'in.

LUKAS 7:13

Lelek Lamatuak Yesus nita inak ndia boema, dale na tu'da neun de nafa'dan nae, “Ina, boso kii-makaleleu!”

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

IBRANI 5:2

Imam matua ina ndia, tapandoes nai dede'ak ba'u ka dalek, hu ka nde ndia de, ana muse tao mangana'uk soaneu hataholi ta mana bubuluk hata-hata ma mana la'ok sala eno nala.