MARKUS 7:6 - Susula Malalaok Hehelu Palak Ma Hehelu Beuk

⁶ Boema Yesus nae, “Emi hataholi manadea dale kala! Hata fo Yesaya nafa'da elan la'eneu emi, memak tete'e ka la'en. Yesaya nafa'da nae, ‘Manetualain nae leo ia, Hataholi sila la lakaluku-lakatele leu Au, ka'da linik hala-kokola nala, tehu dale nala doo ka neme Au mai.

MARKUS 7:6 ပူးပေါင်းရင်းမြစ်များ

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YOHANIS 15:24

Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

YOHANIS 5:42

Nana Au alelak basa emi so. Au bubuluk emi ta sue-lai Manetualain nai emi dalem dale fa.

HATAHOLI 28:25

Ala fali le'us no esa-esak hahapun, nana nai lelek Paulus nafa'das nae, “Memak la'en la'iesa kana, hata fo Manetualain Dula Dale na nafa'dan neu ita bei ba'ikai nala tunga Nabi Yesaya!

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.