MARKUS 5:34 - Susula Malalaok Hehelu Palak Ma Hehelu Beuk

³⁴ Boema Yesus nafa'dan nae, “Ana ngonei, hu ka nde o mamahele Au de o lea-hai! Mu'u ma no so'da-molek leona. Te o lea-hai makandoo so!”

MARKUS 5:34 ပူးပေါင်းရင်းမြစ်များ

2RAJA-RAJA 5:19

Boema Elisa nae, “La'o leon, no so'da-molek.” Boema Naaman la'o leona. Naaman la'o beita dook-ka fa te,

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

IMAMAT 14:48

Tehu, metema imam-ma mai, de tunga palisan-na nae, ta'du-tana ndia, ta da'di seluk nai lelek uma ndia nanapalestel seluk-ka soona, muse nafa'da nae, uma ndia balisi, nana mopo la'iesak, pulu po'ok ndia so.

MATEOS 9:2

Ana losa ndia boema hataholi la ndolo lo hataholi lu'uk esa pe'u-pe'u nai ne'ak lain. Lelek Yesus nita hataholi sila namahehele na ba'u na seli, boema nafa'da hataholi lu'uk ndia nae, “Matetea o dale ma, ana ngo! Te o sala-singom hapu do'o do ampon so.”

MATEOS 9:22

Hatematak ndia boe, Yesus lipa leo dea neu, de nita inak ndia boema, nafa'dan nae, “Matetea o dale ma leon ana ngo! Hu ka nde o mamahele au de, o hai so!” No hatematak ndia boe, inak ndia hai.

MARKUS 10:52

Boema Yesus nafa'dan nae, “Mu leona, nana o mamahele Au de o lea-hai so.” No hatematak ndia boe, hataholi ndia hapu nita. Boema ana tunga Yesus.

MARKUS 3:10

Ana nakahahaik hataholi makadotok nanseli, nalosa basa hataholi kamahe'di sala lakaseseti sanga enok deka lon, fo ela ala hapu taila'en.

MARKUS 5:29

Neu de ana taila'e Yesus ba'du manalu na boema, no hatematak ndia boe, po'a daa na nate'e tutik. Name'da nana ana hai so.

MARKUS 5:33

Inak ndia bubuluk basa, hata manda'dik neu aoina na so, boema no dedelek ma bibiik, ana senek neu Yesus mata na, de ana manaku ndia tatao-nono'in.

LUKAS 17:19

Boema Yesus nafa'da hataholi ndia nae, “Fo'a fo mu'u ma leona. Hu ka nde o mamahele Au, de o lea-hai so.”

LUKAS 18:42

Boema Yesus nae, “Metema leondiak soona, mita leona! Hu ka nde o mamahele neu Au, de o hai.”

LUKAS 7:50

Tehu Yesus nafa'da inak ndia nae, “Hu ka nde o mamahele Au, de o hapu so'dak. Mu'u ma leona no mole-dame!”

LUKAS 8:48

Yesus nafa'dan nae, “Ana ngonei, hu ka nde o mamahele neu Au de o lea-hai. Fali mu'u ma leon no so'dak.”

HATAHOLI 14:9

Tou lu'uk ia boeo nangatuuk nai ndia fo namanene Paulus kokola na. Paulus nita tou lu'uk ndia namahele te'e-te'e de ana bisa lea-hai. Paulus meten,

HATAHOLI 15:33

Yudas no Silas leo los basa faik de'ubee dale na, boema hataholi kamahehelek manai Antiokia sila la, ladenu fali kasa, ma lafa'das fo landuku-lalosak sila nate'a na neu hataholi mana madenu sila. [

HATAHOLI 16:36

Boema malanga bui nafa'da dede'ak ndia neu Paulus. Nafa'dan nae, “Tuan-tuan, mana paleta ana fe paleta fo po'i tuan-tuan nala. De besak ia tua-tua nala, bole fali leona. Fali no so'da-molek!”

YAKOBIS 2:16

Sosoak hata emi mafa'dan mae, “Pake jeket ma mu'a-minu fo mu'u ma leona!” – tehu emi ta fen hata fo ana paluun nai so'da na dalek fa?

SEMUEL SUSULAK-KA ESAN-NA 1:17

Boema Eli nae, “Metema leondiak soona, fali mu'um ma no so'da-molek. Sa'di leo been-na, Israel Manetualain-na, sipok o nonokem-ma.”

SEMUEL SUSULAK-KA ESAN-NA 20:42

Basa boema, Yonatan nafa'da Dauk nae, “Sa'di leo been-na, Manetualain tulu-fali o. Neukose Manetualain nai ita dua tala'da, ma nai ita dua tititi-nonosin tala'da, losa dodoon-na.” Basa ndia boema, Dauk la'o leona, ma Yonatan fali ne'un leo kota neu.