MARKUS 4:8 - Susula Malalaok Hehelu Palak Ma Hehelu Beuk

⁸ Tehu hapu bini ngges nggelok tu'da lai dae maoe-maisik lain boe. Bini-ngges sila la moli no malole, de lamatua boema labuna-laboa, de hapu nggelok teluhulu, hapu nggelok neehulu, ma hapu nggelok didikuk la'i natun esa.”

MARKUS 4:8 ပူးပေါင်းရင်းမြစ်များ

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 23:29

Au hala kokolang sama leo ha'i-a, ma sama leo makoa fo manatao makalulutuk batu-a.

MATEOS 13:23

Ma bini-ngges fo mana tu'da nai dae maisi-mamina ka, nakasasama na leo hataholi fo namanene halak ndia, de ana tao tungan. Boema labuna laboa ba'u ka, de nalosa nggelok hapu buna-boak natun esa, nggelok hapu neehulu, ma nggelok ala hapu didikuk la'i telu hulu.”

MATEOS 13:8

Tehu hapu nggelok tu'da lai dae maisi-maminak lain, boema labuna-laboa; Neu fai keketu-kokolun boema, ala hapu nggelok natun esa, nggelok nee hulu ma nggelok ala hapu didikuk la'i telu hulu.”

MARKUS 4:20

Ma bini-ngges fo manatu'da nai dae maoe-maisik lain ndia, nakasasama na nde hataholi fo lamanene halak ndia boema ala sipo kana, de labuna-laboa ba'u ka, nalosa hapu nggelok teluhulu, hapu nggelok nehulu, ma hapu nggelok buna-boan didikuk la'i natun esa.”

MARKUS 4:7

Hapu bini-ngges nggelok tu'da lai makatema dila-nggauk tala'da. Boema makatema dila-nggauk sila la ala moli de lakahapi la nupuk sila la de ta labuna-laboa fa.

MARKUS 4:9

Yesus tui basa nakandandaak ndia boema nae, “Emi madi'idok soona, mamanene leona!”

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

LUKAS 8:8

Tehu hapu bini-ngges nggelok tu'da lai dae maisi-maminak lain, boema ala moli de labuna-laboa didikuk la'i natun esa.” Yesus tui basa nakandandaak ndia boema nafa'das nae, “Metema see madi'idook soona, ela leo bee na mamanene leona!”

YOHANIS 15:5

Au nde ai huu ango la, boema emi nde ndana nala. Hataholi manada'di esa nahele no Au, ma Au o hataholi ndia, soona neukose naboa ba'u ka. Metema emi ta mo Au fa soona, emi ta hapu tao hata esa boen.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

EFESUS 2:21

Ndia nde pe'da-fua uma ndia, da'di Manetualain Uma hehelin soaneu Lamatua ka.

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.

KOLOSE 1:6

Halak maneme Manetualain ndia, nakapepela leo basa daebafa ka lala'e na, boema halak ndia, nini baba'e-papalak nakandoo fe hataholi a so'da na, sama leo emi hapu baba'e-papalak mulai neme lelek fo emi mamanene ala tui-benga Manetualain susue-lalain neu emi a.