MARKUS 3:8 - Susula Malalaok Hehelu Palak Ma Hehelu Beuk

⁸ leme Yerusalem mai, leme nusa Idumea mai, ma leme nusa-nusak manai Yarden boboan dulu mai, ma leme kota-kota manai Tirus ma Sidon boboa kaisu nala mai. Sila basa-basas mai leo Yesus mai, nanahu lamanene basa la'eneu dede'a-dede'ak fo Ana tao no'i nana so.

MARKUS 3:8 ပူးပေါင်းရင်းမြစ်များ

MAZMUR 45:12

O mata makeem-ma, tao natu'da manek-ka dalen-na, o tuam-ma nde ndia, de makatele neun.

MAZMUR 87:4

“Neukose Au sulak Masir ma Babel leo leoina fo, manatunga Au-a, susulan dale neu. Nakalenak, Filistea, Tirus ma Sudan, nanalekek leo laun Yerusalem-ma dalek leu.”

YESAYA 34:5

Manetualain sadia basa tafainan-na, nai nusa so'dak-ka so, de besak ia, neukose tafaina ndia na'a leoina Edom fo, huhukun-na nananaketu basak so, de neukose nanatao namate-namopok.

YESKIAL 35:15

sama leo emi boeo mamahoko, nai lelek emi mita Israel da'di dae louk. Seir leten-nala, nakalenak basa dae Edom-ma lala'en-na, neukose ana da'di dae louk. Soona besak-ka basa hataholi-la, neukose ala bubuluk lae Au nde, Manetualain-na.’ ”

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

MATEOS 4:25

Nai lelek ndia, hataholi makadotok tunga Yesus. Nggelok leme Galilea mai, nggelok leme Kota Sanahulu a mai, leme Yerusalem ma Yudea mai, boema nggelok leme nusa-nusak manai Lee Yarde na selik mai boe.

MARKUS 7:24

Basa boema, Yesus la'oela mamanak ndia de neu leo nusak manadeka no kota Tirus-sa. Ana masok leo uma esa dalek neu, nana Ana ta nau hataholi bubuluk, Ndia nai ndia fa. Tehu Ana ta hapu nafuni na aoina na fa.

MARKUS 7:31

Basa boema Yesus la'oela nusa Tirus-sa de Ana la'ok nakandoo tunga Sidon, fo neu leo Dano Galilea neu. Ana la'ok tunga enok manaleo nusak Kota Sanahulu a.

LUKAS 6:17

Basa boema Yesus kona neme pupukuk ndia lain mai sama-sama no ana manatunga nala, boema ala hahae de lapadeik lai mamana esa matetuk. Nai ndia boeo hapu ana manatunga fe'en bubua matuaina esa, ma hataholi makadotok leme basa mamanak lala'ena nai basa Yudea, Yerusalem, Tirus ma Sidon fo nai tasi su'u na.

YOSUA 15:1

Leo Yehuda teidalen-nala sipo dae baba'en-nala, de too-lanen nde ia: Nai boboak kona, nusak ndia natabaa losa moo solokaek Zin-na, pe'da mate'e na, nai too no Edom-ma;

YOSUA 15:21

Kota-kota fo doon-na seli, nai boboan kona, fo da'di Yehuda pusakan-na, nai too no Edom-ma, basa-basas kota duahulu sio, fo nai dalek hapu nggolo-nggolok manai boboa-kaisun-nala. Kota-kota sila-la nde: Kabzeel, Eder, Yagur, Kina, Dimona, Adada, Kedes, Hazor-Hadata, Keriot-Hezron (fo nde Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baal-laa, Iyim, Erem, Eltolad, Khesil, Horma, Ziklag, Madmana, Sansana, Lebaot, Silhim, Ain ma Rimon.