MARKUS 2:12 - Susula Malalaok Hehelu Palak Ma Hehelu Beuk

¹² Boema hataholi ndia fo'a de ana ho'i-na ne'a na lai-lai de ana kalua la'oela mamanak ndia neme hataholi fo manita matan manda'dik ndia, mata na mai leona. Hataholi makadotok sila la dodoo doa kana, boema ala koa-kio Manetualain lae, “Ita beita tita manda'di leoia ka fa!”

MARKUS 2:12 ပူးပေါင်းရင်းမြစ်များ

MATEOS 12:23

Basa hataholi la dodoo doa kana de beekola lae, “Fafa'ka ma, Hataholi ia nde Dauk anan fo, nanaheluk ndia do?”

MATEOS 15:31

Hataholi makadotok manai sila la ala dodoo doa kana lanseli, nai lelek lita hataholi hala ta kala kokolak, ei hela kala hai, lu'u kala la'ok, ma hataholi poke kala lita. Boema ala koa-kio leoina Israe la Manetualai na.

MATEOS 9:33

Boema Yesus usiheni nitu mangalauk ndia, de no hatematak ndia boe, hataholi hala tak ndia hapu kokolak nalelak leona. Hataholi makadotok sila la, ala dodoo doa kana, de lafa'da lae, “Ami beita mita manda'di matak leo ia ka, nai Israel fa!”

MATEOS 9:8

Lelek hataholi la lita manda'dik ndia boema ala bii, ma ala koa-kio Manetualain, nanahu Manetualain fe hataholi daebafa ka koasa matua ina so.

MARKUS 1:27

Basa hataholi la dodoo doa kana de nalosa esa kokolak no esa nae, “Wei, te beek ia? Nanoli beuk ia ma. Ana paleta no heohaak ma henuk no koasa de dula dale mangalauk ndia ana kalua, ma ala tunga paleta na.”

MARKUS 2:11

“Fo'a leona, ho'ima o ne'a ma fo fali leona!”

LUKAS 13:13

Boema Yesus tao lima na neu inak ndia lain tutika no hatematak ndia boe, inak ndia napadeik natetu, boema ana koa-kio Manetualain.

LUKAS 17:15

Lelek hataholi esa neme hataholi kamahe'dis sila la dalek, name'da nana ana lea-hai so, boema ana fali no ana koa-koak mesan ma ana koa-kio Manetualain.

LUKAS 5:26

Sila basa-basas bafa nala bee poo lanseli, boema ala koa-kio Manetualain. No bibii-namata'uk lafa'da lae, “Dodoo doak nanseli no manda'dik fo ita titan faik ia!”

LUKAS 7:16

Basa hataholi la bii ma ala mulai koa-kio Manetualain. Lafa'da lae, “Nabi matuaina esa to'da mai nai ita tala'da so! Manetualain mai fo Ana soi-tefa na hataholi kamahehele nala so!”

YOHANIS 7:31

Hataholi sila la ba'u ka lamahelen, de nalosa bekola lae, “Metema Mane Mana Fe So'dak ndia ana mai soona, ade Ana hapu tao manda'di beuk de'u lenaheni Hataholi ia do?”

YOHANIS 9:32

Neme daebafa ka ana mulai da'di a, ita beita tamanene la'iesa fo, hapu hataholi nakahahaik hataholi fo bongin te pokek so.

HATAHOLI 4:21

Boema mana maketu-mala'dik sila la ta hapu ne'ek faanak boen soaneu ala huku Petrus no Yohanis. Da'di ka'da lakabibiik Lamatua ka hataholi nadedenu kaduan sila la boema ala po'i duas, nana basa hataholi la koa-kio Manetualain, hu ka nde manda'dik ndia.