MARKUS 14:2 - Susula Malalaok Hehelu Palak Ma Hehelu Beuk

² Lakokolaaok lae, “Tehu ata boso ho'un la'e fai feta, nana tao leo bee o tasi'bu da'di.”

MARKUS 14:2 ပူးပေါင်းရင်းမြစ်များ

AMSAL 19:21

Hataholi daebafak-ka, nanuu dale tutu'uk makadotok, tehu ka'da Manetualain nde naketu, fo ana da'di.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

RATAPAN 3:27

malole lenak ata tanoli fo ata da'di manamakatatakak nai lelek bei muli-soluk.

MATEOS 26:2

“Emi bubuluk bei faik dua seluk soona Fai Malole Paskah, fo neukose Ana Hataholi ka nanafe henik soaneu nanalona-nggangek!”

MATEOS 26:5

Boema lae, “Tehu, ata boso taon la'e fai feta, te neukose tasibu a da'di nai lau nala dalk.”

MARKUS 11:18

Malanga ima mala ma mese agama la lamanene Yesus kokolan ndia boema, ala mulai sanga enok fo taolisan. Tehu ala biin, nana basa hataholi la koa-kio nanoli na.

MARKUS 11:32

Tehu tea na seli boe, soaneu ita tafa'da tae, ‘Ninik hataholi daebafak koasa na.’ ” Hu ka nde ala bii hataholi makadoto kala, nana basa hataholi la lafa'da lae, Yohanis ndia, nabi esa.

MARKUS 14:1

Bei faik dua seluk bai soona, Fai Paskah ma Feta Loti Lalu Tei Ta ka mulai. Lelek ndia, malanga ima mala lo mese agama la, ala sanga enok fo ala ho'u Yesus no denge-dengek fo taolisan.

MARKUS 14:3

Yesus bei nai Betania nai Simon uman, fo makahulu na ana hapu he'di lou mangalauk. Boema inak esa ana mai. Inak ia, nini mina kaboominik nai boto fulak esa dalek. Mina kaboominik ndia ala taon neme ai oka kaboomini ka mai. Ndia te, Yesus bei nangatuuk na'a. Boema inak ndia, ana tao ba'e boto ndia, de ana po'a mina kaboominik ndia neu Yesus langa na.

LUKAS 20:6

Tehu metema ita tafa'da tae, ‘Hataholi daebafak nde fen hak ka,’ soona basa hataholi la neukose ala pia ita ninik batu, nana hataholi sila lamahele, Yohanis ndia nabi esa.”

LUKAS 22:1

Feta Loti Ta Pake Lalu Teik fo loken lae Paskah, ana deka so.

YOHANIS 12:19

Boema hataholi Farisi la esa nafa'da esa nae, “Ita ta tao talelak hata esa boen! Mitakana dei, te basa daebafa ka lala'ena leu tungan!”

YOHANIS 7:40

Hataholi makadoto kala lamanene Yesus kokolan ndia boema, hataholi nggelok lai hataholi sila dalek bekola lae, “Tao leo bee o, Hataholi ia nabi ndia!”