MARKUS 13:8 - Susula Malalaok Hehelu Palak Ma Hehelu Beuk

⁸ Neukose leoina esa natati no leoina esa. Nusaina esa natati no nusaina esa. Dae nanggengo, ma la'andoes da'di nai basa mamanak lala'ena. Basa sila la, besa ka makasososa na nde ndia. Sama na leo inak esa name'da he'di bobongi na.

MARKUS 13:8 ပူးပေါင်းရင်းမြစ်များ

2TAWARIKH 15:6

Leoina esa tuni-ndeni leoina esa, ma kota esa tuni-ndeni kota esa, nanahu Manetualain fe tasibu matuaina neu sila.

MAZMUR 48:6

Tehu lita pupukuk ndia boema, bafan-nala be poo; lakalupu, de lalai no lapangamak.

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 37:3

Ala landuku-lalosak Hizkia hala hehelun-na nde ia, neu Yesaya, “Faik ia, fai susa; ita nanahukuk ma nananakamumulu-nakamamaek. Ita sama leo inak fo, ana sanga bongi, tehu balakain ta so.

YEREMIA 13:21

Fo neukose emi mafa'da beek-ka metema hataholi-hataholi fo emi taos sama leo emi tolanom-mala ala tao lakala emi, ma ala koa emi? Tao leo beo neukose emi mame'da he'dis sama leo inak-ka fo ana sanga bongi.

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YEREMIA 25:32

Manetualain Fo Manakoasa nafa'da nae, “Anin-na nadodolo neme pe'dak leu pe'dak neu; susa-soe tuni-ndeni leoina esa basa soona esa.”

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 49:24

Laun Damsyik-kala da'di male, ma lalai leni bibii-momopon. Ala lame'da he'dis ma ala doi doso sama leo ina manabongik-ka.

YEREMIA 50:43

Lamanene halak ndia, boema manek Babel-la ta napalani fa. Dudu'a-aafi bibik-ka nai dalen dale so, ma namahe'di sama leo inak fo sanga bongik-kala.

YEREMIA 6:24

Laun Yerusalem-mala lamanenehalak ndia boema, bendole-bendaku. Bibii-namata'uk-ka sa'e-nalas, de ala doi-doso, sama leo inak-ka ana sanga bongi.

HAGAI 2:22

Au tao akalulutuk nusa-nusak-kala, ma Au tao akalulutuk koasan-nala. Neukose Au fae alenga kaleta natee-nata'tin-nala loo hataholi manaho'un-nala; neukose mate basa ndalan-nala, ma hataholi manasa'ek-kala, esa taonisa esa.

ZAKHARIA 14:13

Nai faik ndia, neukose Manetualain tao-na leoina sila-la lapangamak, ma ala bii-lamata'u lanseli, nalosa neukose hataholi esan-na, ana ho'u-na nonoon manai boboan-na, fo ana fepa-li'un.

MATEOS 24:8

Basa sila la besa ka makasososa na nde ndia, sama leo inak esa name'da he'di bobongi na nai lelek fo ana sanga bongi a.

MARKUS 13:7

Metema emi mamanene ala benga musu do matee-mata'ti kala soona boso bii, te dede'ak sila la muse ala da'di, tehu ndia ta nafa'da nae, fai mate'e ka nde ndia so.

MARKUS 13:9

Emi muse manea matalolole, nana neukose ala ho'u la emi fo ala lele'a-loloso emi leo manamaketu-mala'di Agama matua meu. Neukose ala fepa-li'u emi nai uma mamaso kala dalek. Neukose lo emi meu mataa manaho'u paleta la ma mane kala, nana Au ana mana tungang emi. Tehu no dede'ak ndia fo emi hapu fai loak soaneu emi tui-benga Au neu hataholi sila la.

HATAHOLI 11:28

Nai nabi sila la dalek, hapu hataholi esa na'de Agabus. No Manetualain Dula Dale na hehela-nonolen de nafa'da ela nae, neukose la'a-ndoe matuaina da'di nai basa daebafa ka lala'ena. Memak tete'e ka, dede'ak ndia da'di nai lelek fo Kesel Klaudiu sa paleta.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

NINITAK 6:4

Boema ndala fe'ek esa kalua seluk. Ndala ndia pilas. Manasa'e nana nanafe koasa fo ana tao namopo mole-dame neme daebafa ka mai, fo ela hataholi daebafa ka lado'doao. Boema ala fen tafaina matuaina esa.