MARKUS 13:3 - Susula Malalaok Hehelu Palak Ma Hehelu Beuk

³ Basa boema, Yesus neu leo lete Pupuku Zetun-na de nangatuuk neu mamanak esa, nasasalematak no Manetualain Uma na. Boema Petrus, Yakobis, Yohanis, ma Anderias ala mai de ala kokolak lo Yesus lae,

MARKUS 13:3 ပူးပေါင်းရင်းမြစ်များ

MATEOS 13:10

Basa boema Yesus ana mana tunga nala mai de latanen lae, “Te tao le'e de, metema Ama kokolak no hataholi ba'u ka soona, Ama kokolak pake nakandandaak?”

MATEOS 13:36

Basa ndia boema, Yesus la'oela hataholi makadotok sila la, de neu leo uma dale neu. Boema ana mana tunga nala mai de lafa'dan lae, “Soba Ama mafa'da mangalele'do fe ami, nakandandaak fo fii moli nakabubua no gandu ma, sosoa-ndandaan dei.”

MATEOS 17:1

Basa faik nee dale na, boema Yesus leleko Petrus ma Yakobis no tolanoon Yohanis, de leu leo lete madema esa lain leu.

MATEOS 21:1

Lelek ala deka lo Yerusalem fo ala losa Betfage nai Lete Setu na, boema Yesus nadenu ana mana tungan dua lakahuluk. Ana helu duas nae,

MATEOS 24:3

Basa boema Yesus neu leo pupuku Setu na neu, de Ana bei nangatuuk te ana mana tunga nala mai fo ala kokolak lon mesa kana lae, “Mafa'da fe ami, faihi'da basa sila la neukose ala da'di, ta'du-tana bee ka nde natu'du Ama ka mamai na, ma le'do-fai mate'e ka?”

MARKUS 10:35

Boema Yakobis ma Yohanis fo Zebedeus ana nala leu leo Yesus leu de lafa'dan lae, “Ama Mesen, ami nau Ama fe ami dede'ak esa nde ia.”

MARKUS 13:4

“Ama mafa'da su'dik fe ami, faihi'da besa ka basa sila la ala da'di? Ma ta'du-tana bee ka nde nafa'da nae, fai na losa so?”

MARKUS 14:33

Boema Yesus leleko no Petrus, Yakobis, ma Yohanis de leu sama-sama. Ana mulai name'da dale na he'di sa, ma dale na ta tesa-tama fa.

MARKUS 4:34

Makanaema Yesus nanoli hataholi sila la soona, nanoli ninik nakandandaak nakandoo. Tehu makanaema no ana mana tunga nala mesa kasa soona, nafada basa sila la no mangalele'dok.

MARKUS 5:37

Boema Yesus la'ok nakandoo, tehu Ana ta nau hataholi tunga fan de no ka'da Petrus ma Yakobis boema Yohanis fo sila tolanoo kala.

MARKUS 9:2

Basa faik ne boema, Yesus no Petrus ma Yakobis no tolanoon Yohanis de mesa kasa leo lete madema esa poi na leu. Ala losa letek ndia poi na boema, ala mete neu te Yesus mata-panan nasafali.