MARKUS 12:2 - Susula Malalaok Hehelu Palak Ma Hehelu Beuk

² Lelek fo fai ketu ango la losa boema, osi lamatuak ndia ana haitua malalau-maoonon esa, neu leo osi ndia manaso'u bela nala neu, fo ana sipo ndia baba'e na.

MARKUS 12:2 ပူးပေါင်းရင်းမြစ်များ

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

2TAWARIKH 36:15

Amak fo sila bei-ba'i kain Manetualain-na, fali-fali Ana haitua nabi-nala soaneu fe nasanene'dak neu anan-nala, nanahu Ana sue-lai sila ma Ana sue-lai Uman-na.

EZRA 9:11

fo O fen neu ami, tunga basa nabi-la, fo O atam-mala. Lafa'da ami, lae dae fo ami sanga leon ndia, ta balisi fa, nanahu basa laun lala'en-na, neme pe'dak leo pe'dak neu, ala tao manggenggeok so.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

ZAKHARIA 7:7

Dede'ak ndia nde Manetualain nafa'dan tunga nabi-la nai tepo-lelek maneuk-ka, fo nai lelek hataholi bei leo nai Yerusalem, de laun-na tetu-temak. Nai lelek ndia, hataholi ta ka'da leo nai nggolo-nggolok manai kota boboa-kaisun fa, tehu lena-lenak, ala leo nai boboan kona, ma nai pupukuk-kala huun-na, fo nai boboak muli.

MATEOS 21:34

Neu lelek fo fai ketu ango la losa, boema dae lamatuak ndia nadenu malalau-maoono nala leu leo osi ndia mana'a ngga'di nala leu, fo loke dae lamatuak baba'e na.

MARKUS 12:1

Basa boema, Yesus mulai kokolak no malanga ima mala, mese agama la, ma lasi-lasi Yahudi la ninik nakandandaak. Yesus nafa'das nae, “Hapu hataholi esa ana sele angol neu osi esa dalek, boema ana pa'a feon. Basa ndia boema, ana kali bolok fo ana tao mamana kaka'bi ango la neu ndia. Boema ana tao na uma lopo naneak esa. Basa ndia boema, ana fe osi angol ndia neu manaso'u belak de'ubee fo ala seban, boema ana la'o leo nusa fe'ek neu.

MARKUS 12:3

Tehu manaso'u belak sila la ho'u la malalau-maoono ndia de ala fepa-li'un, basa boema ladenun ana fali ne'un no lima louk.

LUKAS 12:48

Tehu malalau-maoono fo ana ta bubuluk tua na hihii-nanaun, basa boema ana tao nasala hata esa, nalosa muse filu kana, tehu neukose ala filuk lakadada'u kana. Nana hataholi fo ala fe basan ba'u ka, neukose loke lakaseti ba'u ka neme hataholi ndia mai boe. Ma hataholi fo nanafe namahehelek ba'u ka, neukose loke lakaseti ba'u ka neme hataholi ndia mai boe.”

LUKAS 20:10

Lelek fo fai na losa ketu ango la, boema osi lamatuak ndia haitua malalau-maoonon neu leo manaso'u bela kala soaneu ana sipo baba'e na. Tehu manaso'u belak sila la fepa malalau-maoono ndia de ladenun ana fali no lima louk.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.