MARKUS 10:1 - Susula Malalaok Hehelu Palak Ma Hehelu Beuk

¹ Basa boema, Yesus la'oela mamanak ndia de neu leo nusa Yudea ma nusak manai Lee Yarden-na selik neu. Hataholi makadotok, ala mai de lakamomotu okofeo la seluk Yesus, de nanolis sama leo mandoo fai a nanolis ala.

MARKUS 10:1 ပူးပေါင်းရင်းမြစ်များ

PENGKHOTBAH 12:9

Manadudu'a-dodook ndia dodole maneu ma manatee-tenok. Hu ndia de, nanoli malelak lala'en-na neu Manetualain anan-nala. Nanoli dede'a nakandandaak makadotok boema ana fola ndoon-na.

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

MATEOS 26:55

Boema Yesus nafa'da hataholi makadotok sila la nae, “Ade Au ia hataholi mangalauk, de nalosak emi mini tafa ma ai keke'uk fo mai ho'u Au do? Tunga-tunga faik Au anoli nai Manetualain Uman dale, tehu emi ta ho'u Au fa!

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MARKUS 1:21

Yesus no ana mana tunga nala losa kota Kapernaum. Nai fai Sabat manamai ka boema, Yesus neu leo uma mamasok dale neu de Ana mulai nanoli.

MARKUS 10:2

Hataholi Farisi de'ubee ala mai boe, fo ala sanga lakahihi'ik Yesus. Latane Yesus lae, “Tunga ita agama na hoholo-lalanen soona, ade hataholi bole elaheni sao na do ta?”

MARKUS 12:35

Yesus bei nanoli nai Manetualain Uman te, natane nae, “Te tao le'e de, mese agama la lafa'da lae, Mane Mana Fe So'dak ndia, Dauk tititi-nonosin?

MARKUS 14:49

Tunga faik Au anoli nai Manetualain Uman dale nai emi matam, te emi ta ho'u Au fa. Tehu memak muse leondiak, fo ela hata fo nanasulak nai Susula Malalaok dale, ana da'di leona.”

MARKUS 2:13

Yesus fali seluk leo Dano Galilea su'u na neu. Boema hataholi makadotok ala mai de nanolis.

MARKUS 4:2

Boema Yesus nanolis dede'ak ba'u ka ninik nakandandaak nae leo ia.

MARKUS 6:2

Nai Fai Saba ta boema, Ana mulai nanoli nai uma mamaso kala dalek. Hapu hataholi makadotok lai ndia. Lelek fo hataholi sila la lamanene Yesus nanoli na boema, ala dodoo doa kana lanseli. Bekola lae, “Hataholi ia Ana hapu basa nanolik sila la leme bee mai? Manatee tenok matak leo beek ia nai Hataholi ia dudu'a-aafin dale? Tao leo beek de, Ana hapu tao manda'di beuk?

MARKUS 6:34

Lelek fo Yesus kona neme ofak lain mai te nita hataholi makadotok lai ndia so. Yesus dale na tu'da, nana hataholi sila la sama leo bi'ilopo manafoo ta kala. Boema Ana mulai nanolis dede'ak ba'u ka.

MARKUS 6:6

Yesus dodoo doak, tao le'e de ala ta lamahele fan. Basa boema, Yesus neu leo nggolo titia-tataik sila la de nanoli hataholi la.

YOHANIS 10:40

Yesus fali leo Lee Yarden-na selik neu, nai mamanak fo makahulu na Yohanis salani nana, de Ana leo neme ndia.

YOHANIS 11:7

Basa ndia, besa ka nafa'da ana manatunga nala nae, “Mai, fo teu leo Yudea teu.”

YOHANIS 18:20

Boema Yesus nae, “Au kokolak tataas esa no mangale'dok nai lea matan. Au anoli hataholi la tataas esa nai uma mamaso kala dalek, ma nai Manetualain Uman, nai mamanak fo mandoo fai a hataholi Yahudi la lakabubua. Au beita kokolak ita dede'a nafufunik la'iesa boen.