MARKUS 1:34 - Susula Malalaok Hehelu Palak Ma Hehelu Beuk

³⁴ Boema Yesus nakahahaik basa hataholi kamahe'di mata-matak makadotok, ma Ana usiheni dula dale mangalauk makadotok boe. Ana ta fe dula dale mangalauk sila la loak kokolak fa, nana ala bubuluk basa see Ndia so.

MARKUS 1:34 ပူးပေါင်းရင်းမြစ်များ

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

MARKUS 1:25

Boema Yesus nasapala dula dale mangalauk ndia nae, “Denge-denge! Kalua meme hataholi ia mai leona!”

MARKUS 3:12

Tehu Yesus kenaka'is no mahelek fo ala boso tui-benga, see Yesus ndia.

LUKAS 4:41

Dula dale mangalau kala boeo kalua leme hataholi makadotok boema ala nggasi beau lae, “Manetualain Anan O!” Tehu Yesus nasapalas ma Ana ta fes loak kokolak fa, nana ala bubuluk lae, Ndia nde Mane Mana Fe So'da ka.