LUKAS 9:38 - Susula Malalaok Hehelu Palak Ma Hehelu Beuk

³⁸ Touk esa neme hataholi makadotok sila la tala'da heon mai ma ana nggasi nae, “Ama Mesen, Ama sue na mete au ana nga dei. Au anang ka'da kisak esa nde ndia!

LUKAS 9:38 ပူးပေါင်းရင်းမြစ်များ

KEJADIAN 44:20

Ami mataa mae, ‘Ami amam namalasi so, de bongi ami fa'dim-ma nai lelek ama namalasi so. Ami ka'am fo ina esa no ami fa'dim ndia, maten so, da'di besak ia, neme sila dua mai a, ela ka'da ndia mesak-kana bei naso'da, de ama sue nan ba'un-na seli.’

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 15:22

Boema ina Kana'an esa nai nusak ndia, ana mai de nalo bou-bou nae, “Dauk anan, sue-lai au dei! Te dula dale mangalau ka, ana masok nai au ana fe'o nga dalek, de namahe'di belak.”

LUKAS 7:12

Lelek fo Yesus deka no kota ndia lelesuina na boema, hataholi la ndolo mamates esa leo kota deak neu. Hataholi manamatek ndia nde bee soona ana touk esa, fo inafalu esa ana kisa na. Kota ndia laun makadotok sama-sama lo inafalu ndia.

LUKAS 9:37

Balahaa boema Yesus ma ana manatunga katelu nala kona leme letek ndia lain mai boema, hataholi makadotok ala mai.

LUKAS 9:39

Metema dula dale mangalauk ndia sapu nan soona, ana nggasi kaiboik ma ao na hela-holoduku nalosa bafa na nafufu'de. Dula dalek ndia tao nan doidoso nakandoo ma ana ta nau kalua fa!

YOHANIS 4:47

Lelek fo namanene hataholi la lafa'da lae, Yesus neme Yudea mai de, nai Galilea so, boema neu nala Yesus leo Kapernaum neu, fo nakahahaik ana na, te namahe'di de hihii maten so.