LUKAS 6:35 - Susula Malalaok Hehelu Palak Ma Hehelu Beuk

³⁵ Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

LUKAS 6:35 ပူးပေါင်းရင်းမြစ်များ

MAZMUR 112:5

Maua-manalek ba'eneu hataholi fo, ta malitua fa, ma ana hii fe hataholi tona, boema ana tao tunga ndoon-na, nai basa ito-atok lala'ena dalek.

MAZMUR 145:9

Manetualain ndia, malole neu basa hataholi lala'ena, ma Ana sue-lai basa lima tataan-na.

MAZMUR 37:26

Ana fe hataholi tona tataas esa, ma ana fe, de anan-nala da'di baba'e-papalak ba'eneun.

MAZMUR 58:11

Nita hataholi mangalauk-ka nanahukuk, hataholi dale ndoos-sa namahoko-setelee, ma ana safe ein-na, nai hataholi malelesik-ka daan dale.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 22:9

Manetualain fe baba'e-papalak neu hataholi dale malole-a, nanahu, ana baba'e fe hataholi manato'a-taak-ka nana'a-nininuk.

MATEOS 5:9

Maua-manalek neu hataholi fo nini mole-dame nai hataholi daebafa ka tala'da; nanahu neukose Manetualain sipo kasa da'di Manetualain ana nala!

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”

LUKAS 1:32

Neukose Ana da'di namatutua-namadedemak, ma neukose loken lae, Manetualain Anan Fo Madema Ina Nanseli. Neukose Amak Manetualain taon da'di manek, sama leo Mane Dauk-ka fo ba'ikai na.

LUKAS 6:36

Ela leo bee na emi manuu dale susuek sama leo emi Amam boeo nanuu dale susuek!”

YOHANIS 13:35

Makanaema emi masue-malai ao soona, neukose basa hataholi la bubuluk lae, Au ana manatungang emi.”

YOHANIS 15:8

Metema emi maboa ba'u ka, soona Au Ama nga nananamatutua-namadedemak, fo no enok leondia ka, te'e-te'e emi da'di Au ana manatunga ngala.

HATAHOLI 14:17

Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

2 TIMOTIUS 3:2

Neukose hataholi a, paluu ka'da ao ina na mesa kana, ala tenepeta doik, ala koao-ndaeao, ma ala hii ka'da tui dede'a me'i-afek. Ala hii ka'da laka mumulu-lakamamaek hataholi, ala lena laban ina ama nala, ta loke lalelak makasi, ma lakamuu-lakadau dede'a samane kala.