LUKAS 22:38 - Susula Malalaok Hehelu Palak Ma Hehelu Beuk

³⁸ Yesus ana manatunga nala lafa'da lae, “Lamatuak, mete mitak nai ia, hapu tafaina dua.” Yesus nataa nae, “Hahae leona!”

LUKAS 22:38 ပူးပေါင်းရင်းမြစ်များ

MATEOS 26:51

Boema Yesus ana mana tungan esa sama-sama no Yesus nai ndia boe. Ana fe'a na tafa na de ana tati imam matua ina ata na, de nalosa ketuheni di'idoo na.

LUKAS 22:36

Yesus nae, “Tehu besak ia see nanuu mamana bua-lo'as, do alukosu soona, muse ho'i ninin, ma see tafainan ta soona, muse nase'o ba'du manalu na fo asa tafaina.

LUKAS 22:49

Lelek Yesus ana manatungan mana sila la lita hata fo neukose ana da'di, boema lafa'da lae, “Lamatuak, neme na fo ami meu sapu malas ninik tafaina.”

YOHANIS 18:36

Boema Yesus nae, “Au nusa nga ta neme daebafak ia mai fa. Leo uni ka Au nusa nga neme daebafak ia mai soona, neukose Au hataholi ngala sanga enok lakandoo, fo daenga ala boso fe Au leo manakoasa Yahudi la neu. Tehu memak Au nusa nga ta neme daebafak ia mai fa!”

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

1 PETRUS 5:9

La'ban nitu a ninik namahehele matea-mahelek, nana emi bubuluk, nai basa daebafa ka lala'e na, tolanoo Salani fe'e kala boeo, ala doidoso sama leo emi boe.