LUKAS 18:37 - Susula Malalaok Hehelu Palak Ma Hehelu Beuk

³⁷ Lafa'dan lae, “Yesus fo hataholi Nazaret ndia, Ana tunga ia.”

LUKAS 18:37 ပူးပေါင်းရင်းမြစ်များ

MATEOS 2:23

Ana leo neme kota esa nai ndia na'de Nazaret. No enok ndia, hata fo nabi la lafa'dan la'eneu ni'iana ndia, ana da'di: “Neukose loken soona lae, Hataholi Nazaret.”

LUKAS 18:36

Lelek namanene hataholi makadotok sila la la'ok seli boema natane nae, “Te beek manda'dik ndia?”

LUKAS 18:38

Boema hataholi pokek ndia nggasi ma nae, “Yesus, Dauk anan! Sue-lai au dei!”

LUKAS 2:51

Basa boema Yesus fali sama-sama nos leo Nazaret leu, ma Ana tunga duas paleta na. Inan pe'da basa dede'ak sila la, nai dalen dale.

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 19:19

Pilatus nadenu ala paku papak esa neu Yesus ai nggange na nisilai na nae, “Yesus neme Nazaret, hataholi Yahudi la mane na.”

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 4:10

Naa, Tuan-tuan nasa muse bubuluk ma basa hataholi Israe la boeo muse bubuluk te besak ia, hataholi ia napadeik nai Tuan-tuan nala matan no so'da-molek nana be'ibalakaik ma koasa neme Yesus Kristus fo hataholi Nazaret ndia. Tuan-tuan nala lona-nggange basa Yesus ndia so, tehu Manetualain tao naso'da fali kana.

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!