LUKAS 18:33 - Susula Malalaok Hehelu Palak Ma Hehelu Beuk

³³ Neukose ala tao doi-doson, ma ala taolisan, tehu neu fai katelu na, neukose naso'da falik.”

LUKAS 18:33 ပူးပေါင်းရင်းမြစ်များ

MATEOS 16:21

Mulai neme hatematak ndia mai boe, Yesus kokolak no mangale'dok no ana mana tunga nala nae, Au muse u leo Yerusalem u, fo Au la'ola'di doidosok ba'u ka neme mauli-malanga nala ma malanga imam ala, boema mese agama la. Neukose ala taolisa Au, tehu neu fai katelu na soona, neukose Au aso'da falik.

MATEOS 27:63

de lafa'dan lae, “Tuan, ami bei mafandelek, lelek fo hataholi mana ke'dindiuk ndia bei naso'da, nafa'da hai nae, ‘Basa faik telu soona, neukose Au aso'da falik.’

LUKAS 18:32

Neukose ala fen leo hataholi ta Yahudi la neu, fo neukose ala hakinonolin, lakamumulu-lakamamae kana, ma ala mu'di ape neun.

LUKAS 18:34

Basa sila la ana manatunga nala ta lalela kana faa anak boen. Ana manatunga nala ta bubuluk hata fo Yesus kokola kana. Ala ta bubuluk fa, nanahu hata fo Ana kokola kana ndia sosoa-ndandaan nanabibila-babaak soaneus.

LUKAS 24:21

Te se'ko na ami mamahena mae, neukose Hataholi ndia nde soi-po'i leoina Israe la! Dede'ak ndia ana da'di basa faik katelu ia so.

LUKAS 24:7

nafa'da nae, ‘Muse ala fe Ana Hataholi ka leo hataholi masala-masingo kala leu fo ala lona-nggangen, tehu neu fai katelu soona, neukose naso'da falik.’ ”