LUKAS 12:28 - Susula Malalaok Hehelu Palak Ma Hehelu Beuk

²⁸ Leondiak boe na'u manai mo ka fo ana moli faik ia fo balahaa te nanahotuhenik. Tehu Manetualain barias na'u ndia de lole na seli. Mu'da hata no emi bai! Tehu emi kulang namahelek!

LUKAS 12:28 ပူးပေါင်းရင်းမြစ်များ

YESAYA 40:6

Hapu halak nafa'da nae, “Tui-benga leona!” Au atane ae, “Au muse tui-benga beek?” “Tui-benga leona, mae hataholi daebafak-ka, sama leo na'u-a, sama leo bunga, fo lole-napun ka'da hatematak esa mesak-kana.

MATEOS 14:31

No lai-laik Yesus lok lima na neu, de ana ho'u nan boema nafa'dan nae, “Petrus, Petrus, o namahehele ma, beita dai fa. Tao le'e de, o ta mamahele te'e-te'e neu Au fa?”

MATEOS 16:8

Yesus bubuluk hata fo ala kokolak ndia. Da'di nafa'das nae, “Te tao le'e de, emi matatane aok la'eneu emi ta mini loti fa? Emi namahele ma beita dai fa!

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

MATEOS 6:30

Na'u manai mo ka faik ia ana moli, tehu balahaa soona ala de'dehenin. Tehu Manetualain heheo-hihiluk na'u sila la, de lole nala seli. Muda hata neu emi bai! Hu ka nde emi namahehele ma, beita dai fa!

MATEOS 8:26

Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

LUKAS 8:25

Boema Yesus nafa'da ana manatunga nala nae, “Tao le'e de emi ta mamahele Au fa?” Boema ala dodoo doa kana ma ala bii. Ma esa kokolak no esa nae, “Tunga ndo na see hataholi ia, de nalosa Ana paleta ani na ma lii a boeo ala tungan!”

IBRANI 6:7

Da'e fo mana musi oe u'dak fo nasi'a u'da na kona neu lain, boema nakamomolik bubu'u palusa fo masosoa-ndandaak soaneu hataholi mana bubu'u-palusa nana, Manetualain ba'e-pala dae ndia.

1 PETRUS 1:24

Nai Susula Malalaok dale nanasulak nae leo ia, “Basa hataholi daebafa ka lala'ena, sama na leo na'u a, boema lole-napun, sama na leo na'u buna ka. Fo metema na'u a male soona, kono heni buna na;