KOLOSE 3:25 - Susula Malalaok Hehelu Palak Ma Hehelu Beuk

²⁵ Ma see tao salak soona, ana lu'a-lepa aon salak ndia; nanahu Lamatua ka ta metematak fa.

KOLOSE 3:25 ပူးပေါင်းရင်းမြစ်များ

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

AYUB 37:24

Hu ndia de, su'di see boe, muse fe ha'da-holomata neun, ma Ana ta paluu taoafik neu hataholi fo, ana manaku nae, ndia hataholi dodole maneu fa.”

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

LUKAS 20:21

Boema hataholi fo nanasolo basak sila la lafa'da Yesus lae, “Ama Mesen, ami bubuluk mae, basa hata fo Ama mafa'dan ma manolik sila la tete'e ka. Ami boeo bubuluk, Ama nanoli no mangale'dok la'eneu Manetualain hihii-nanaun soaneu hataholi daebafa ka, nana Ama ta mete matak fa.

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

ROMA 2:11

Nana Manetualain susue-lalain matak esa soaneu hataholi lala'ena.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

EFESUS 6:8

Mafandendelek te, hataholi a esa-esak, nau ata do hataholi ao loak ndia boeo, neukose ana sipo babala na neme Lamatua ka mai, soaneu tatao-nono'i malole fo ana tao-no'i nana.

EFESUS 6:9

Tolanok fo mana da'di malanga nala lemin! Ela leo bee na emi heheo-hihilum leondiak, soaneu emi ata mala. Boso tao makatoto'a kasa ninik huhukuk. Nana mafandendelek te, emi moo emi atam sila la, sama-sama manuu malangan ka'da esa, fo nde Lamatuak manai nusa so'da ka. Ana ta metematak fa.

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

KOLOSE 4:1

Tolano-tolanook fo mana da'di malanga nala lemin! Ela leo bee na, emi tao emi ata mala no ndoos ma tunga matetu na. Nana mafandendelek te, emi boeo manuu malangan esa nai nusa so'da ka boe.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

2 TESALONIKA 1:6

Neukose naketu-nala'di tunga matetu na, ma neukose Ana balas doidosok neu hataholi mana tao doidoso emi a.

FILEMON 1:18

Metema ana tao salak do nahuta-nabu'u o soona, neme na fo, de'i au ba'es.

IBRANI 2:2

Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.