KOLOSE 3:15 - Susula Malalaok Hehelu Palak Ma Hehelu Beuk

¹⁵ Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

KOLOSE 3:15 ပူးပေါင်းရင်းမြစ်များ

MAZMUR 100:4

Masok tunga lelesuinan-na nenik nakamee makasi, leo Uman-na so'dan-na, nenik kokoa-kikiok. Moke makasi neun, ma koa-kion leona!

MAZMUR 107:22

Nemen-na fo, ala loke makasi nenik lini tunu-hotuk, ma ala tui-benga tatao-nono'in nenik nakamee namahoko-seteleek.

MAZMUR 116:17

Neukose au ini fe O, tutunu-hohotu makasi, boema au atu'du huhule-haladoik neu O.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 27:5

Tehu metema, Au anang-ngala musun-nala sanga nasulu-nahapak neme Au mai soona, nemen-na fo, ala mole-dame lo Au, hei, ala mole-dame lo Au.”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 57:19

Neukose, Au fe tetu-temak neu basa hataholi-lala'en-na, nau manai mata, do manai dook-kala boe. Neukose Au tao alea-ahai Au anang-ngala.

YUNUS 2:9

Tehu neukose au akamee nakamee kokoa-kikiok ba'eneu O ma au tunu-hotu tutunu-hohotuk soaneu O. Neukose, au tao atetu au hehelu-balatang lala'en-na O nde Manetualain fo manasoi-tefa.”

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

ROMA 5:1

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus.

1 KORINTUS 10:17

Hu ka nde hapu ka'da loti esa, ma ita basa-basa tala ta'a neme loti fo kisak ndia mai boe, soona ita makadotok ia la, nalupa ao paak esa.

1 KORINTUS 7:15

Tehu metema hataholi kamahehele tak ndia, ana elaheni saoinan do saotoun fo hataholi namahehelek esa soona, boso kena ka'in. Nai dede'ak ia dalek, tolanoo kaduak fo namahehelek esa, nau inak do touk boe sila ao loak so, nana Manetualain nau fo ela emi maso'da no mole-dame.

2 KORINTUS 4:15

Basa sila lala'ena nde bee na, soaneu emi paluu ma. Nana boetai hataholi ba'u ka lame'da lita Manetualain susue-lalain soona, boetai nonoke hule-haladoi makasi ba'u ka, nanananduku-nalosak neu Manetualain. No enok ndia, Manetualain nanakoa-nanakiok.

2 KORINTUS 9:11

No enok ndia, neukose emi hahapu ma dai ma lena nai basa hata lala'ena dalek, nalosa emi hapu fe tataas esa no dale malole. Ma emi fee feem fo ami baba'e ka, nini fe hataholi ba'u ka loke makasi neu Manetualain.

EFESUS 4:16

No hehela-nonolen de, aok ndia lima-ein nanape'da fua matalololek, ma latuti-lanato ao leme esa-esak bu'u molen mai. Ma metema lima eik sila, tao-no'i tunga matetu na soona, basa aok ndia lala'ena, neukose namatua fo ana da'di touinak fo balakaik, tunga susue-lalai ka.

EFESUS 4:4

Hapu ka'da aok esa, ma Dula Dalek esa. Leondiak boe, emi nananalook soaneu namahehenak matak esa.

EFESUS 5:1

Emi nde bee na, Manetualai nana susuen. Hu ndia de, emi muse sanga enok fo tunga Manetualain heheo-hihilun.

EFESUS 5:20

La'eneu hata beek boe, ela leo bee na emi moke makasi tataas esa neu Amak Manetualain, ninik ita Lamatuan Yesus Kristus na'de na.

KOLOSE 1:12

boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.

KOLOSE 2:7

ma mahuu-maoka nai Kristus dalek. Ela leo bee na emi mapadedeik emi maso'da ma neu netes esa lain, fo nde Kristus. Ela leo bee na emi boetai mamahele Kristus, tunga hata fo lanoli basan neu emi a so. Boema ela leo bee na, emi mamahoko ma moke makasi ba'u ka neu Manetualain.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

1 TESALONIKA 5:18

Nai basa dede'ak lala'ena dalek, ela leo been-na emi moke maksai neu Manetualain, nana tatao-nono'i leondia ka nde, Manetualain nau emi tao-no'i nana; nana maso'da da'di esa moo Lamatuak Yesus so.

1 TIMOTIUS 2:1

Makasososa na, au oke anseli, fo ela o manoli salani kala, dokodoe ma hule-haladoi, boema loke makasi neu Manetualain, soaneu basa hataholi lala'ena;

1 TIMOTIUS 6:12

Sanga enok te'e-te'e fo maso'da sama leo hataholi Salani ka, fo daenga o hapu so'da matetu ka ma mana ketu basa ta ka. Nana hu ka nde dede'ak ndia de, Manetualain nalo o ndek lelek fo o makaheik neme hataholi mafandii kala matan mae, o mamahele Kristus.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

NINITAK 7:12

Lalo lae, “Amin! Kokoa-kikiok neu ita Aman Manetualain, fo matua-madema ma manatee tenok. Ndia nandaa sipo basa huhule-haladoi makasi, ma ha'da-holomata. Ndia manakoasa ma be'i balakaik, losa dodoo na! Amin.”