KOLOSE 3:12 - Susula Malalaok Hehelu Palak Ma Hehelu Beuk

¹² Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

KOLOSE 3:12 ပူးပေါင်းရင်းမြစ်များ

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 45:4

Au aloo o, de Au fe o, na'de maha'da-holomatak, leomae, o ta malelak Au fa. Au fe o bela-ba'uk, fo tulu-fali Au atang Israel, nana Au leoina heheleng sila.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 65:9

Hataholi Israel de'ubee, leme leo Yehuda mai, neukose Au fes baba'e-papalak, ma neukose Au fe sila tititi-nonosin, lanuu Au dae letelepang-nga. Au hataholi heheleng-ngala, neukose ala leo lai naa.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MARKUS 13:20

Leo uni'ka Manetualain ta tao keke'u faik ndia fa soona, ta hapu hataholi esa boen, hapu naso'da fa. Tehu, hu ka nde Manetualain hataholi kamahehele nala de, Ana tao keke'u faik ndia.

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

LUKAS 1:78

Ita Manetualain dale malole, bai te manasue-laik; soaneu Ana soi-tefa ita de Ana mai. Sama leo le'do tii nai fai fafai na,

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

ROMA 9:11

Beita bongi ni'iana kaduak sila la fa te, Manetualain naketu basa, Ana hele see ka so. Manetualain hehelen ndia ta namahena hata fo hataholi daebafa ka hele ka fa, te namahena neu Manetualain hala nalo na mesa kana. Nana nai lelek Ribka ana touana kaduan sila la beita tao lalelak bee ka nde malole do bee ka nde mangalau ka fa te,

1 KORINTUS 13:4

Hataholi manasue-lai hataholi fe'e ka, ana ta haelai namanasa fa, ma dale malole. Ana ta namanasa hataholi metema hataholi nakalenalena fan, ta manatui dede'a sosoa-ndandaa tak, ta manakoao-ndaeaok fa.

2 KORINTUS 6:6

No dale malalaok, manatee tenok, ta haelai mamanasa, ma dale malole, ami matu'du mae, ami nde bee na Manetualain atan. Boeo no namahena neu Manetualain Dula Dale na tutulu-fafalin, ma no susue-lalaik fo matetu ka.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

EFESUS 4:24

Ela leo bee na, emi maso'da sama leo hataholi beuk fo nananakadada'dik tunga Manetualain mata aon; fo nde ha'da palii matetu ka, ndoos ma malalaok.

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

FILIPI 1:8

Manetualain bubuluk basa, au ahiik alan seli o emi. Au tao leondiak nana, au sue-lai a emi ba'una seli, sama na leo Kristus Yesus sue-lai emi a.

KOLOSE 3:10

Besak ia, emi hapu so'da beu ka de, emi da'di hataholi beuk so. Mana makadada'dik emi a, fo Manetualain, Ana tao nabebeu emi nakandoo, tunga Ndia mata aon. Dede'ak ia tetee-tutu'dan nae, fo ela emi malelak Manetualain no matetu-mandaak.

1 TESALONIKA 5:15

Manea matalolole, fo boso nalosak nggelok balas mangalauk neu nggelok. Sanga enok, fo daenga esa tao malole neu esa nakandoo, ma neu basa hataholi lala'ena.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

1 YOHANIS 4:19

Ita tasue-talai ao nana, Manetualain sue-lai nakahuluk ita so.

2 YOHANIS 1:13

Ina ka tolano inan fo Manetualain hele ka, ana nala haitua fe Ina, nate'ak boe.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”