KOLOSE 3:11 - Susula Malalaok Hehelu Palak Ma Hehelu Beuk

¹¹ Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

KOLOSE 3:11 ပူးပေါင်းရင်းမြစ်များ

MAZMUR 117:2

Nana Manetualain susue-lalain, ba'un-na seli ba'eneu ita, ma lilinekan nahele losa dodoon-na. Koa-kio Manetualain leona!

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YESKIAL 47:22

de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

AMOS 9:12

Hataholi Israel-la neukose ala koasa bei ela nusa Edom-ma boema basa leoina fo makahulun-na Au nuung. Au, Manetualain, kokolak basa so, de neukose Au tao atetu dede'ak ndia.”

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

YOHANIS 15:5

Au nde ai huu ango la, boema emi nde ndana nala. Hataholi manada'di esa nahele no Au, ma Au o hataholi ndia, soona neukose naboa ba'u ka. Metema emi ta mo Au fa soona, emi ta hapu tao hata esa boen.

YOHANIS 17:23

Au o sila, ma Ama ka no Au, fo ela sila da'di esa te'e-te'e. Soona neukose daebafa ka bubuluk, Ama ka nde nadenu Au a, ma lae, Ama ka sue-lai sila, sama leo Ama ka sue-lai Au.

HATAHOLI 15:17

fo daenga beiela hataholi sila la, ala sanga Amak Manetualain, sama-sama lo leoina fe'ek fo ta hataholi Yahudi la fo Au alos soaneu ala da'di Au nuu ngala.’ Amak Manetualain nae leondia,

HATAHOLI 28:2

Pulu ndia lau nala ha'da na malole hiik lo ami. Ala sipok ami no malole. Lananau fe ami ha'i fo ami namanelu, nana ndia te u'da na mai de makalini na seli.

HATAHOLI 28:4

Lelek fo pulu ndia lau nala lita menge doko-doko nai Paulus lima na boema, esa naa'da esa nae, “Hataholi ia tao leo bee o hataholi kanisak, de leomae naso'da neme soe tasi mai, tehu Nitu Lalais Inak fo Mana Maketu-Mala'di tunga ndo na, ana ta po'ilota kana naso'da fa.”

ROMA 1:14

Nana au bela ba'ung ia, soaneu basa leoina lala'ena, nau mana malela ha'da kala, do malela ha'da ta kala, manasakola kala, do manasakola ta kala.

ROMA 10:12

Dede'ak ndia la'e basa hataholi lala'ena, nana hataholi Yahudi no hataholi leoina fe'e kala matak esa. Manetualain fo kisak ndia, nde bee na Lamatuak soaneu hataholi lala'ena. Ana fe baba'e-papala manasasi kao-kao ka neu basa hataholi fo mananoke tutulu-fafalik neu nana.

ROMA 3:22

metema hataholi daebafa ka nau malole falik lo Manetualain soona, muse lamahele Yesus Kristus. Manetualain tao leondiak fo hataholi daebafa ka lamahele Yesus Kristus, nana basa-basas matak esa:

ROMA 3:29

Do ka'da hataholi Yahudi la mesa kasa Manetualain ndia do? Ade leoina fe'e kala Manetualain ta ndia fa do? Hei, memak tete'e ka leoina fe'e kala Manetualain ndia boe!

1 KORINTUS 12:13

Leondiak boe, ita basa-basa tala. Nau hataholi Yahudi do ta Yahudi, ata do hataholi ao laok; ita basa-basa tala nanasalani basak neme Dula Dalek fo sama ndia, boema nakadiditak ita neu Kristus ao paa na, fo ela ita da'di esa to Kristus. Dula Dalek ndia nananakona nai ita basa-basa tala dalen dale so boe.

1 KORINTUS 14:11

Tehu metema hataholi esa kokolak dede'ak esa, fo au ta alelak dede'ak ndia fa soona, hataholi manakokolak dede'ak ndia sama leo hataholi manamai ba'eneu au; leondiak boe, au hataholi manamai ba'eneu hataholi ndia.

1 KORINTUS 7:19

Nana tunga suna ta nakanenete na, do ta tunga fan boeo, duas sosoa-ndandaan ta no'u-no'u. Fo paluu ka nde, tunga Manetualain paleta nala.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

EFESUS 1:23

Hataholi kamahehele kala nde bee na, Kristu sao na. Nanatao natetu-nandaak, neme Ndia fo mana tao matetu-mandaak basa hata lala'ena, su'di nai mamanak bee ndia boe.

EFESUS 2:14

Nana Kristus nde bee na, ita mana mole-dame na. Ana tao nakabubua hataholi Yahudi la lo hataholi ta Yahudi la, da'dileona esa. Kota batu, mana ta'da kofe'e kasa, fo nde esa musu no esa, besak ia Kristus tao nakalulutu kana, ninik Ana tunu-hotu ao ina na.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

EFESUS 3:17

Ela leo bee na, hu ka nde emi mamahele Kristus de, Kristus leo nai emi dalem dale, ma emi so'da ma, susue ka koasa nan.

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

EFESUS 6:8

Mafandendelek te, hataholi a esa-esak, nau ata do hataholi ao loak ndia boeo, neukose ana sipo babala na neme Lamatua ka mai, soaneu tatao-nono'i malole fo ana tao-no'i nana.

KOLOSE 2:10

Ma hu ka nde emi da'di esa mo Kristus de, emi hapu so'da matetu ka. Nanahu Kristus nde bee na, malangan neu basa dula dale mana koasa ma mana paletak lala'e na.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

2 YOHANIS 1:9

Hataholi fo, ana ta ho'u nahele Kristus nanoli nala, te ana tao fe'ek neme Kristus fen nanoli kala mai soona, hataholi ndia, Manetualain ta. Hataholi fo naso'da nahele nai Kristus nanoli nala dale ka, hataholi ndia nanuu Amak Manetualain no Anan Yesus boe.