KOLOSE 3:10 - Susula Malalaok Hehelu Palak Ma Hehelu Beuk

¹⁰ Besak ia, emi hapu so'da beu ka de, emi da'di hataholi beuk so. Mana makadada'dik emi a, fo Manetualain, Ana tao nabebeu emi nakandoo, tunga Ndia mata aon. Dede'ak ia tetee-tutu'dan nae, fo ela emi malelak Manetualain no matetu-mandaak.

KOLOSE 3:10 ပူးပေါင်းရင်းမြစ်များ

KEJADIAN 5:1

Adam tititi-nonosin susulan-na nde ia. [Nai lelek Manetualain nakadada'dik hataholi daebafak-ka, nakadada'di-nalas, lupan-nala nahope no Manetualain lupan-na.

AYUB 29:14

Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESKIAL 11:19

Neukose Au fes dale beuk ma ha'da palii beuk. Neukose Au ho'i-heni, sila dalen fo natea sama leo batu-a, fo Au nggatin nenik dalek fo, manatunga neu Au.

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

YESKIAL 36:26

Boema Au fe emi dale beuk, ma dudu'a-aafi beuk. Neukose Au nggati o dale mateam, fo sama leo batu ndia, nenik dale manatunga paleta.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 13:12

Le'odae ka hihii nae seli ia so, de ba'ihanak seluk bai te, neukose mangale'do ia so. Da'di, malolelenak ata hahae tao tatao-nono'i makahatu ka leona. Ita muse tahehele ao tala ninik tee-tafa mangale'do ka.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

ROMA 6:4

No oe salanik ndia de, latoi ita to Kristus fo daenga ita mate sama-sama to Kristus, fo ela no Amak fo mandela-masa'ak ndia koasa na, fo Ana tao naso'da falik Kristus neme mamate na mai, de ita boeo hapu so'da beu ka.

ROMA 8:29

Hataholi fo Manetualain hele basa kala, naketu basan neme makasososa na mai a, hataholi sila sama leo Ana na, fo nde Yesus Kristus. No enok ndia de, Anak ndia, nde da'di puleuluk neu basa tolanoo kala lala'ena.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

GALATIA 3:27

Emi basa-basa mala nanasalanik ninik Kristus na'de na, da'di emi sipo basa Kristus ha'da-paliin, nai emi ao ina ma dalek so,

GALATIA 6:15

Nanasunat do ta nanasunat fa o, ndia ta paluu nanseli fa. Fo paluu ka nde, da'di hataholi daebafa beuk.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

EFESUS 2:15

Agama Yahudi a hoholo-lalanen no paleta nala ma nakanenete nala, Kristus lose henis, fo daenga leoina ka duak sila la, ala da'dileona esa, hataholi nala beuk, fo ala da'di esa loon. No enok ndia de, Kristus nakadada'dik mole-dame a.

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

FILEMON 1:6

Au hule-haladoi fo ela leo been-na, ita hataholi kamahehele ka nakabuan ia, nini fe ita malelak ba'u ka soaneu basa baba'e-papalak fo ita tanuun, nanahu ita da'di esa to Kristus.

IBRANI 6:6

Tehu basa ndia soona, ala fali deak! Masa bole hela-nole fali kasa, soaneu tukatei-saledale seluk leme sala-singo nala mai bai. Nana sila bei lona-nggange seluk Manetualain Ana na, ma lakamumulu-lakamamae kana, nai lea matan.

1 YOHANIS 2:3

Metema ita tuga Manetualain paleta na soona, ndia nafa'da nae, ita talelak Manetualain.

1 YOHANIS 2:5

Tehu hataholi mana tunga Manetualain hala-kokola na, hataholi ndia ana sue-lai Manetualain tunga matetu na. Soona ndia da'di ta'du esa nae, ita taso'da to Manetualain.

NINITAK 21:5

Boema Ndia fo manamangatuuk nai kandela manek ndia lai na nae, “Besak ia Au tao a basa-basan lala'e na beuk so!” Boeo nafa'da au nae, “Sulak-ma ia, nana dede'a-kokolak ia la tete'e ka ma hapu nananamahelek.”