KOLOSE 1:5 - Susula Malalaok Hehelu Palak Ma Hehelu Beuk

⁵ Emi mamahele ma emi sue-lai, nanahu emi mamahena Manetualain sadia fe emi hata esa nai nusa so'da ka. Emi mamanene basa dede'ak ndia, ndek ala tui-benga Hala Malole ndo sa neu emi a.

KOLOSE 1:5 ပူးပေါင်းရင်းမြစ်များ

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

HATAHOLI 23:6

Paulus nita hataholi mana maketu-mala'dik sila la, nggelok hataholi Saduki, ma nggelok hataholi Farisi. Hu ndia de, nafa'da mana maketu-mala'di sila la nae, “Tolano-tolanoo ngala lemin! Au ia hataholi Farisi, fo tititi-nonosi Farisi. Au nanaketu-nala'dik nai ia nana, au amahele hataholi mana mate kala neukose laso'da falik.”

HATAHOLI 24:15

Au boeo amahena, tao leo bee fo Manetualain tao naso'da falik basa hataholi mana mate kala sama leo sila boe, nau hataholi mana tao malole do hataholi mana tao mangalau kala boe!

ROMA 10:8

Dale dudu'a na nae leo ia, “Halak maneme Manetualain mai ndia, ana deka nanseli no emi; nai emi bafam dale, ma nai emi dalem dale.” Halak ndia nde ami tui-benga nana; halak ndia nafa'da nae, hataholi a, muse namahele.

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

1 KORINTUS 15:19

Metema ita namahehenan neu Kristu sa, nate'e ka'da ita maso'dan manai daebafak ia soona, neme basa hataholi daebafak manai daebafak ia lala'ena, ita nde susa-soen ba'una seli!

2 KORINTUS 5:19

Ami tui-benga mae, no Kristus hehela-nonolen de Manetualain tao na hataholi daebafa ka malole falik lon. Manetualain tao dede'ak ndia ta no ana leke sala-salak fo hataholi daebafa ka taon neu aoina na. Boema Manetualain fe ami be'ibalakaik soaneu tui-benga halak ndia.

2 KORINTUS 6:7

No tui-benga hala ndo sa, ma no Manetualain koasa na, ami matu'du mae ami ia nde bee na Manetualain ata nala. Ami ho'u mahele Manetualain hihii-nanaun da'dileo ami tee-tafam fo ami sapu ma musu a ma soaneu ami masala'e ami aoina ma boe.

GALATIA 2:14

Au mete ita heo-hilu nala ta nandaa no Hala Malole ndia eno ndo na so'ok boema, au afa'da Petrus nai hataholi makadotok sila la matan ae, “Tolanoo ka hataholi Yahudi, te se ko na tolanoo ka so'da na, sama leo hataholi ta Yahudi la so'da na, na tao le'e de besak ia, tolanoo ka makaseti hataholi fe'e kala fo, laso'da sama leo hataholi Yahudi la?”

GALATIA 2:5

tehu ami ta tungas makandondook fa. Nana ami nau manea, fo ela Hala Malole ndia, matetu-mandaak nahele soaneu emi.

GALATIA 5:5

Tehu ba'eneu ami soona, ami mamahena neu Manetualain Dula Dale na tutulu-fafalin, tunga ami namahehelem neu Kristu sa, de Manetualain soi fe ami enok, soaneu ami malole moon.

EFESUS 1:13

Emi boeo da'di Manetualain hataholi kamahehelen, ndek lelek fo emi mamanene Manetualain hala-hehelu na, fo nde Hala Malole fo mana fe so'dak neu emi a. Emi mamahele neu Kristus Yesus, hu ndia de Manetualain tao ta'du-tana neu emi, fo emi da'di Ndia nuun. Ta'du-tana ndia nde, Dula dalek fo Ana helu ka.

EFESUS 4:21

Emi mamanene Kristus so! Ma da'dileo ana mana tungan, de lanoli basa emi Manetualain ha'da-paliin fo hapun nai Kristus dale ka so.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

1 TIMOTIUS 1:15

Dede'ak ia, tete'e ka la'en hu ndia de, nandaa sipo kana ma tamahelen no dale katema tuak: “Kristus Yesus mai leo daebafak ia mai, fo Ana soi-tefa na hataholi masala-masingo kala.” Ma au nde hataholi masala-masingok fo, mangalauk nanseli a.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.

2 PETRUS 1:12

Hu ndia de, au fe emi nasanene'dak tataas esa, la'eneu dede'ak ndia, leomae emi bubuluk basan so, ma emi mamahele manseli neu nanolik fo emi sipon neme Manetualain mai ndia.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.