KOLOSE 1:27 - Susula Malalaok Hehelu Palak Ma Hehelu Beuk

²⁷ Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 1:27 ပူးပေါင်းရင်းမြစ်များ

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

LUKAS 17:21

nalosa hataholi hapu kokolak nae, ‘Mai meten te nde ia!’ do ‘nai naa!’ Nana Manetualain mulai paleta nai emi tala'da so.”

YOHANIS 14:17

Mana Tulu-Fali fe'ek ndia, nde Manetualain Dula Dale na, fo neukose nafa'da ndos la'eneu Manetualain. Daebafa ka ta sipo kana fa, nana ta litan do lalela kana fa. Tehu emi malela kana, nana Ana leo nakabubua no emi, boema Ana da'di esa no emi.

YOHANIS 14:20

Metema faik ndia losa soona, neukose emi bubuluk mae, Au da'di esa o Ama ka, boema emi da'di esa mo Au, ma Au da'di esa o emi.

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

YOHANIS 17:26

Au afa'da basa Ama, hataholi sila na'de nala so, ma neukose Au tao leondiak akandoo, fo ela Ama ka susue-lalain neu Au a, nahele nai dale nala dalek, fo sue ka nde Au da'di esa os.”

YOHANIS 6:56

Hu ndia de, metema see na'a Au ao paa nga, ma ninu Au ao daa nga soona, ana da'di esa nahele no Au, ma Au da'di esa ahele o hataholi ndia boe.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

ROMA 5:2

Hu ka nde ita tamahele Yesus de Ana fe ita Manetualain susue-lalain, de no susue-lalaik ndia de besa ka ita taso'da. Hu ndia de ami mamahoko nana ita tamahena, neukose ita taso'da nai Manetualain fe ua-nale ka dalek!

ROMA 8:10

Tehu metema Kristus naso'da nai emi dalem dale soona, leomae emi ao paa ma maten hu ka nde sala-singo ka, tehu Manetualain Dula Dale na fe emi maso'dak ndia, nana emi mo Manetualain da'di esa so.

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.

1 KORINTUS 3:16

Ade tolanoo ka bubuluk mae, emi ia Manetualain uman do ta? Ma Manetualain Dula Dale na, ana leo nai emi dalek do ta?

2 KORINTUS 2:14

Tehu makasi neu Manetualain! Ana hela-nole ami tataas esa, fo ami la'ok nai Kristus eno sesengi na, hu ka nde ami maso'da da'di esa mon. Manetualain pake ami, fo ela halak la'eneu Kristu sa namaloa sama leo kaboominik fo nabomini leo basa mamanak lala'ena neu.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

GALATIA 4:19

Au ana susue-lalai ngala lemin! Besak ia, au doidoso seluk, nanahu emi. Au doidoso sama leoinak esa doidoso, nai lelek ana bongi ana na. Neukose au doidoso akandoo, metema Kristus ha'da-tataon, beita nanaselek nai emi ao inam dale fa!

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

KOLOSE 1:5

Emi mamahele ma emi sue-lai, nanahu emi mamahena Manetualain sadia fe emi hata esa nai nusa so'da ka. Emi mamanene basa dede'ak ndia, ndek ala tui-benga Hala Malole ndo sa neu emi a.

KOLOSE 2:3

Kristus nde soi nabe'i Manetualain manatee tenon ma malelan lala'ena, fo makahulu na, nananafunik ndia.

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

1 TIMOTIUS 1:1

Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.

NINITAK 3:20

Mete leona! Te Au apadeik nai lelesu bafa na de Au dedelu. Metema hapu hataholi namanene Au hala nga, o ana soi lelesu a soona, neukose Au masok fo Au atongo on; neukose Au u'a sama-sama on, ma ndia na'a sama-sama no Au.