KOLOSE 1:24 - Susula Malalaok Hehelu Palak Ma Hehelu Beuk

²⁴ Besak ia, au nau doi doso soaneu emi paluu ma. Au nau au ao paa nga doi doso nanahu au nau tao atetu Kristus doi doso na soaneu salani nala, fo Kristu sao na nde, salanik sila la.

KOLOSE 1:24 ပူးပေါင်းရင်းမြစ်များ

MARKUS 10:39

Boema duas lae, “Ami mabe'in.” Boema Yesus nafa'da selu kasa nae, “Memak, neukose emi minu neme nggalaa doidosok fo neukose Au inu ka, ma emi mapalani losa mamana doidosok fo neukose Au la'ola'di nana.

HATAHOLI 5:41

Hataholi nadedenun sila la la'oela Mana Maketu-Mala'di Agama Matua Ina sila la no namahokok, nana Manetualain nafa'da basa nae, sila landaa hapu nakamumulu-nakamamaek, hu ka nde Yesus.

ROMA 5:3

Lenak neme ndia mai, ita boeo tamahoko nai doidoso ka dalek, nana ita bubuluk basa doidosok ndia nde tao na hataholi a da'di natea-nahele,

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

1 KORINTUS 12:27

Emi basa-basa mala nde bee na Kristu sao paa na, ma emi esa-esak nde bee na lima-eik neme ao paak ndia mai.

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

2 KORINTUS 7:4

Au amahele emi te'e-te'e. Nakalenak bai, au amatutua-amadedema emi nanseli! Leomae ami la'ola'di toto'a-sosotak ba'u ka, tehu au hapu kokoe-nanasik ba'u ka, hu ka nde emi. Tete'e ka au dale nga namahoko!

EFESUS 1:23

Hataholi kamahehele kala nde bee na, Kristu sao na. Nanatao natetu-nandaak, neme Ndia fo mana tao matetu-mandaak basa hata lala'ena, su'di nai mamanak bee ndia boe.

EFESUS 3:1

Hu ndia de au, Paulus, fo nanahukuk nanahu Kristus Yesus, soaneu emi hataholi ta Yahudi la paluu ma.

EFESUS 3:13

Hu ndia de, au nonoke nga nde ia: boso dodoo ka'da au doi-dosong ia, nana basa sila lala'ena nde bee na, soaneu emi basa-basa mala malole ma.

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.