KIDUNG AGUNG 8:8 - Susula Malalaok Hehelu Palak Ma Hehelu Beuk

⁸ Ami fa'di inanam esa, su'un-na bei anak-ka. Ami muse taon tao leo beek metema hataholi mai a'du-natanen?

KIDUNG AGUNG 8:8 ပူးပေါင်းရင်းမြစ်များ

MAZMUR 2:8

Moke leona, soona Au fe o, basa leoina lala'en-na, ma Au tao daebafak-ka lala'en-na, da'di o nuum.

KIDUNG AGUNG 4:5

O su'um-ma, sama leo nusa ana 2, nusa ana susula muku takalapak-ka, bei na'a na'u nai bunga tale-la tala'da.

KIDUNG AGUNG 7:3

O su'um-ma, sama leo nusa ana 2, nusa susula muku takalapak.

KIDUNG AGUNG 8:10

Au ia papala nanadamak esa, ma au su'ung-nga uma puni mademan-na. Au touana susueng-nga bubuluk nae au o ndia soona, au aua-anale.

KIDUNG AGUNG 8:9

Leounik-ka, ndia papala nanadamak esa soona, neukose ami mapadedeik uma puni madema lilofulak-ka nai lain. Leounik-ka ndia lelesuina esa soona, neukose ami betubalan nenik ai kaiou.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESKIAL 16:46

O ka'am nde Samaria, nai kii, no basa nggolon-nala. Ma o fa'dim-ma, nde Sodom, nai kona, no basa nggolon-nala.

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 16:7

Au ho'i oe, de au safeheni daak manai o aom-ma. Au ahutu o mina, nenik mina setun. Au akaboboi o, losa o mamatua, sama leo bubu'u-palusa, fo ana moli no malole. O mamatua, ma o ta mamahe'di-mapalau fa, boema o da'di anafe'oanak. O su'um-ma, mulai lamatua, ma o langadoom-ma namanalu, tehu o makahola-la. Lelek Au la'ok tunga ndia seluk te, Au ita o faim-ma losa, soaneu o leo-la'ok moo tou-ta'eanak so. Au alu'e Au ba'du manalung-nga neu o ao makaholam-ma, ma Au aheluk, Au fe Au susue-lalai ina-anafe'ong-nga neu o. Au tao hehelu-balataak o o, fo no enok ndia, o da'di Au nuung. Au, Manetualain Fo Mademaina, nde manakokolak-ka.

YESKIAL 23:33

O ka'am Samaria mangoteen-na, isin-na bibii-namata'uk ma nakalulutuk-ka. O minu basa isin-na lala'en-na soona, neukose o mafuk ma o doi-doso. Ma neukose o sisii-lulu'i o fanam-ma, nenik mangotee ndia bibian-nala Au, Manetualain Fo Mademaina, kokolak basa so.”

LUKAS 19:44

Neukose ala tao lakalulutuk o sama-sama mo basa o lau mala lala'ena, ma ta hapu batu esa boen, neukose ala po'ilota kana nananakatoto'do nahelek neme mamanana fa, nana o ta taoafik neu faik fo lelek Manetualain mai soaneu Ana soi-tefa nala o fa!”

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

HATAHOLI 10:1

Hapu touk esa nai Kaisarea na'de Kornalius. Touk ia Kaptein nai “Solda'du Italia”.

HATAHOLI 16:9

Le'odaen ndia duas lai Troas, boema Paulus nita ninitak esa. Nai ninitak ndia dalek, Paulus nita hataholi Makedonia esa napadeik nai mata na, boema hataholi ndia noke nanseli, fo neu leo Makedonia neu, fo ana tulu-fali duas.

HATAHOLI 22:21

Tehu Lamatua ka nafa'da seluk au nae, ‘Ka'da mu leona, nana Au sanga adenu o mu leo mamana dook mu, fo nde hataholi ta Yahudi la.’ ”

HATAHOLI 7:38

Musa ia nde nai leoina Israe la tala'da fo neme mo solokae ka, ana da'di lelete soaneu ata nusa so'dak fo mana kokolak non neme Lete Sinai, ma no ita bei ba'ikai nala. Ndia nde mana sipo hala maso'dak maneme Manetualain mai fo nanduku-nalosa kana neu ita.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.