KIDUNG AGUNG 8:12 - Susula Malalaok Hehelu Palak Ma Hehelu Beuk

¹² ma ana hapu 200 soaneu ndia sosota-mamangun. Nemen-na, fo doik ndia soaneu o Salomo, ma soaneu basa manamanea o osim-ma. Tehu au osi angol la, au nuun mesang ndia nai au matang-nga.

KIDUNG AGUNG 8:12 ပူးပေါင်းရင်းမြစ်များ

AMSAL 27:18

See nakaboboi ai soona, neukose na'a boan-na. Neukose malalau-maoono, nanafe ha'da-holomata, metema ana sue-lai tuan-na.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

KIDUNG AGUNG 1:6

Boso taoafik neu au lou nggeong-nga, nana au ahoi le'do mahaak. Au ka'ang-ngala lamanasa au, de ladenu au aue-ale'di nai osi angol dale; de au ta hapu loak painote au aoinang-nga fa.

KIDUNG AGUNG 2:3

Sama leo ai apel-la nai ai manai nula dale-la tala'da, leondiak boe, au inana susueng-nga nai basa touanak-kala tala'da. Au amahoko au sulu nai huun-na, boan-na makeek nanseli.

KIDUNG AGUNG 8:11

Salomo nanuu osi angol nai Baal-Hamon; Ala fe osi ndia neu manamanea-la. Esan-na bae doi fulak lifun esa, soaneu bae osi ndia buna boan,

KIDUNG AGUNG 8:13

Hai osi isin-nala lemin, o tia-laim-mala hii lamanene o halam-ma; fe au amanene o halam ndia!

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

1 KORINTUS 6:20

Manetualain asa na emi de Ana bae ketun so. Hu ndia de, pake matalolole emi ao paa ma fo ela Manetualain nanakoa-kiok.

2 KORINTUS 5:15

Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

1 TESALONIKA 2:19

Tete'e ka, emi nde ami namahehena ma, ma ami namahoko ma. Nana mahani te, metema Lamatuak Yesus Ana mai fo, ita teu tataan soona, neukose emi nde da'di, ami namatutua-namadedema ma!