KIDUNG AGUNG 8:1 - Susula Malalaok Hehelu Palak Ma Hehelu Beuk

¹ Ah, sa'di leo been-na, au tolanoo bonging o, fo o su'u mita au inang su'un-na so, metema au atongo o o nai enok soona, tao leo bee-o, au de'i o, neukose ta hapu hataholi nakadadaek au fa.

KIDUNG AGUNG 8:1 ပူးပေါင်းရင်းမြစ်များ

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 51:17

Ou Manetualain, tulu-fali au kokolak, soona neukose au koa-kio O.

KIDUNG AGUNG 1:2

De'i au leona, menik o difadoom-ma o susuem-ma la'da-na lena heni angol-la!

KIDUNG AGUNG 7:13

Ai luluu-a naboomeni hapu ai boa mala'da hiik, deka nai ita lelesun-na, hapu nanaseu palaak ma nanaseu beuk; Au pe'das ba'eneu o, au touana susueng-ngo.

KIDUNG AGUNG 8:2

Neukose au o o leo au inang uman neu, fo ela o manoli au. Neukose au fe o minu angol kaboomenik, ma dalima boak-ka oen-na.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

LUKAS 12:8

“Mafandendelek leona: Te hataholi fo ana manaku nai lea matan nae ndia Au ana manatungang soona, ndia boeo neukose Ana Hataholi ka manakun nai Manetualain ata nusa so'da nala matan.

LUKAS 18:9

Yesus boeo tui nakandandaak ia neu hataholi fo ana mete hataholi fe'ek nai daeanak, tehu namahele aoina na mesa kana nde malole.

LUKAS 2:38

Naa, nai faik ndia boe, ana leondia neu boema, ana koa-kio Manetualain, ma ana kokolak la'eneu ni'iana ndia neu basa hataholi fo lahani fai na Manetualain ho'i falik Yerusalem.

LUKAS 9:26

Metema hataholi a mae manaku Au ma Au nanoli nga soona, Ana Hataholi ka boeo neukose Ana mae manaku hataholi ndia nai lelek Ana fali ma'in no koasa na, ma no Ama ka koasa na, boema ata nusa so'dak fo malalaok koasa nala!

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 13:3

Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

YOHANIS 16:28

Memak Au da'di eme Ama ka mai, de Au mai leo daebafa ka mai so. Tehu besak ia, Au la'oela daebafa ka, fo Au fali leo Ama ka u.”

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

YOHANIS 8:42

Boema Yesus nafa'das nae, “Leo uni ka emi amam nde Manetualain ndia soona, neukose emi sue-lai Au, nanahu Au mai eme Manetualain mai. Au mamaing ia, Au ta uni Au hihii-nanau mesa nga fa, te au uni Ndia fo manamadenu Au a, hihii-nanaun.

1 KORINTUS 1:28

Manetualain hele hata fo lafa'da lae, nai daeanak, nananakamumulu-nakamamaek, lena-lenak daebafa ka nafa'da nae, sosoa-ndandaan ta, fo ela Manetualain tao nakalulutuk hata fo daebafa ka nafa'da nae, paluu nanseli.

GALATIA 4:26

Tehu Yerusalem manai nusa so'dak ndia nde, Yerusalem beu ka, fo ita inan nde ndia.

GALATIA 6:14

Tehu au ta nau amatutua-amadedema hata esa makandondook boen, ta'da fe'e ka'da ita Lamatuan Yesus Kristus, fo Ana mate nanalona-nggange basa ka so. Nana, hu ka nde ala lona-nggange lisan ndia de, daebafa ka sosoa-ndandaan ta ba'eneu au so. Nonoo ka bai de, au mate basa soaneu daebafa ka so boe.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.