KIDUNG AGUNG 7:12 - Susula Malalaok Hehelu Palak Ma Hehelu Beuk

¹² Mai fo fafaianak soona, ata teu leo osi teu, fo ata mete, ade ai angol-la napako so do beik, ma bunan-na nakapela so do beik; ade, ai dalima nabuna so do beik. Nai naa, neukose au fe o, au susue tou-ta'eng-nga.

KIDUNG AGUNG 7:12 ပူးပေါင်းရင်းမြစ်များ

MAZMUR 122:5

Nai kota ia nde, mane-manek fo, Dauk tititi-nonosin-nala laketu-lala'di laun-nala.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

KELUARAN 25:22

Nai mamanak ndia nde neukose Au atongo o o, ma neme tatanan lain mai fo nai kerub ka duak sila-la tala'da, neukose Au fe Au hoholo-lalaneng neu leoina Israel-la tunga o.”

AMSAL 8:17

Au sue lai sila fo lahik neu au; manasanga au-a, neukose latongo lo au.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

KIDUNG AGUNG 2:13

Ai kaak-ka mulai naboa, ai angol-la bunan-na naboomeni. Mai leon fa'ding-ngo, mai leon au mata makeeng-ngonei.

KIDUNG AGUNG 2:15

Ho'u-ma busa sila-la leon, busa ana manatao nalutu osi angol-la, nana ami osi angol-la bunan-na besak-ka lakapela.

KIDUNG AGUNG 4:13

Ai dalima-la moli nai naa, boan-nala mala'da hiik nanseli. Bunga pacar ma narwastu,

KIDUNG AGUNG 4:16

Hai anin kii, fo'a leona, hai anin kona, mai leona! Filo-filo nai au osing dale, nemen-na, fo naboomeni. Sa'di tao leo bee fo au inaana susueng-nga neu leo osin dale neu, fo na'a ai boa mala'da hiin-nala.

KIDUNG AGUNG 6:11

Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

KIDUNG AGUNG 7:11

Mai fo ata teu leo mook-ka teu, au touana susueng-ngo, ma teu sungu nai tina nai bunga pacar-ra tala'da.

KIDUNG AGUNG 7:6

Tete'ek-ka, o manahiik manseli fo nanasuek nai nananamahokok-kala tala'da.

YESAYA 18:5

Beita losa fai aiboak-ka fa, lelek bunan-na kono so, ma angol-la boan-na beita namalatu nai huun-na fa, neukose musu tao nakalulutuk Sudan, mu'dak la'iesak-kana sama leo dope ke'diheni angol ndanak-kala, leme angol-la huun-na mai.

HATAHOLI 15:36

Beita doo bee boen te, Paulus nafa'da Barnabas nae, “Mai fo ata fali fo teu donge-dama basa tolanoo kamahehele kala nai basa kota-kota fo ita tui-benga Lamatua ka dede'a-kokolan, fo daenga ita bubuluk so'da nala tao leo beek so.”

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

2 KORINTUS 13:5

So'ba emi so'ba su'dik emi aoina ma, ade emi te'e-te'e maso'da tunga namahehelek neu Kristu sa do ta! Tao leo bee o emi nameme'da mae, Kristus Yesus nai emi dalek! Dede'a na fe'ek, metema memak emi ta mamahele te'e-te'e fa.

EFESUS 6:24

Ela leo bee na Manetualain fe baba'e-papalak neu emi basa-basa mala fo mana sue-lai neu ita Lamatuan Yesus Kristus ninik susue-lalaik fo ta hapu mate fan. Ha'da-holomata neme ami, Paulus

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

IBRANI 2:13

Yesus boeo nafa'da nae, “Neukose Au tao Au namahehena nga neu Manetualain.” Ma nafa'da boe nae, “Au nde ia, sama-sama o ni'iana-ni'iana fo O fe basan neu Au a so.”

IBRANI 2:15

No enok ndia, fo Ana soi-po'i hataholi fo ana taon da'di ata nai maso'da na dalek, nanahu ala bii neu mamate sa.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.