KIDUNG AGUNG 6:11 - Susula Malalaok Hehelu Palak Ma Hehelu Beuk

¹¹ Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

KIDUNG AGUNG 6:11 ပူးပေါင်းရင်းမြစ်များ

KEJADIAN 2:9

Manetualain nakamomolik basa ai mana'ahiik mata-matak-kala, fo labuna-laboa ai boa malole. Ai manafe maso'dak-ka, ma ai manafe malelak la'eneu beek-ka nde malole ma beek-ka nde mangalauk-ka ala moli nai osi-a tala'da.

KEJADIAN 40:10

Ai ndia ba'ek telu. Ba'ek sila-la besak-ka mulai ladoo boema, no lai-laik bunan-nala lakapela, boema boan-nala lamalatu.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

KIDUNG AGUNG 6:12

Au ahiik anseli no o susue tou-ta'em-ma, sama leo au ahiik sa'e kaleta musu sama-sama o basa manefetoana-la.

KIDUNG AGUNG 6:2

Au touana susueng-nga neu leo osin dale neu, neu leo osi bumbun-na neu fo ana foo bi'ilopon-nala nai osi, ma ana ketu bunga tale.

KIDUNG AGUNG 7:12

Mai fo fafaianak soona, ata teu leo osi teu, fo ata mete, ade ai angol-la napako so do beik, ma bunan-na nakapela so do beik; ade, ai dalima nabuna so do beik. Nai naa, neukose au fe o, au susue tou-ta'eng-nga.

KIDUNG AGUNG 7:13

Ai luluu-a naboomeni hapu ai boa mala'da hiik, deka nai ita lelesun-na, hapu nanaseu palaak ma nanaseu beuk; Au pe'das ba'eneu o, au touana susueng-ngo.

MARKUS 11:13

Neme doo ka mai, Yesus nita ai kak esa doo na eloaka. Boema neu mete kak ndia, fafa'kama maboak. Tehu Ana losa ai ndia huu na te, Ana ta hapu boak esa boen, te ka'da doo na mesa kana, nana nai lelek ndia ai kak kala fai naboan beita.

LUKAS 13:7

Da'di nafa'da manamanea osi nae, ‘Mete dei, te teuk telu ia so, au mai sanga ka boak nai ai kak ia, tehu au ta hapu boak esa boen. Ka'da lo'oheni ai ndia leona! Te ka'da ana musi basa nana'ak manai dae dale a!’

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

HATAHOLI 15:36

Beita doo bee boen te, Paulus nafa'da Barnabas nae, “Mai fo ata fali fo teu donge-dama basa tolanoo kamahehele kala nai basa kota-kota fo ita tui-benga Lamatua ka dede'a-kokolan, fo daenga ita bubuluk so'da nala tao leo beek so.”