KIDUNG AGUNG 5:2 - Susula Malalaok Hehelu Palak Ma Hehelu Beuk

² Au sungu, tehu au daleng-nga kame'dak. Mamanene te, au touana susueng-nga dedelu lelesu-a. Soi lelesu fa'ding-ngo, au inaana susueng-nga, au manupui kaluang-nga, au susueng-nga; Au langa doong-nga nakadoe dinis le'odaek-ka.

KIDUNG AGUNG 5:2 ပူးပေါင်းရင်းမြစ်များ

KEJADIAN 29:20

Boema, Yakob naue-nale'di teuk hitu dalen-na, fo ana sao Rahel, nana ba'eneun teu-teuk sila-la sapu-lalo, sama leo faik de'ubee mesan, nanahu susue ina anafe'on-na neu Rahel.

MAZMUR 119:1

Maua-manalek ba'eneu hataholi fo, so'dan-na bu'u-ba'en ta, ma ana tunga Manetualain hoholo-lalanen-nala.

MAZMUR 81:10

Nai emi dalek, boso hapu lamatua daebafa fe'ek boso sene-do'ok neu hataholi nusa dea-la lamatua daebafan-na.

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

KIDUNG AGUNG 1:16

O manahiik ma malelak susueng-ngo, te'e-te'e o manahiik ma malelak! Ita mamana susungun-na nai na'u momo'dok lain.

KIDUNG AGUNG 2:10

Mamanene te, au touana susueng-nga kokolak no au. Mai leon fa'ding-ngo, mai leon au mata makeeng-ngonei!

KIDUNG AGUNG 2:14

Ou au manupui kaluang manai batu lelak-kala, nai mamana nafunik manai masakakalak madema-la, nemen-na, fo au ita o mata-panam, ma amanene o halam-ma, nana o mata-panam makeek ma o halam-ma lolen-na seli.

KIDUNG AGUNG 2:8

Mamanene te! Au touana susueng-nga mai! Ndia sama leo nusa ana do nusa susula mukuk-ka. Nakaboboku nai letek-kala, Boku-boku nai pupukuk-kala lain. Mitak, napadeik nai papala nanadamak-ka selik, ana sanga nenik matan-na; ana titino neme jendela lelan-nala mai.

KIDUNG AGUNG 3:1

Le'odaen-na nai au pepe'ung lain au sanga au tuana susueng-nga nai meis dale; au sangan, tehu manada'di taak.

KIDUNG AGUNG 4:7

O mana'ahiik manseli au susueng-ngo, ta hapu bu'u-ba'ek nai o fa.

KIDUNG AGUNG 4:9

O tao matu'da au daleng-nga fa'ding-ngo, au saoinang-ngo, o tao matu'da au daleng-nga nenik o mata mametem-ma, nenik poemata mana'ahiik manai o henum-ma.

KIDUNG AGUNG 5:11

Langan-na, sama leo lilopilas-sa, lilopila isik, langadoon-na leo lii-a ma nggeok, nggeok leo manupui kaa.

KIDUNG AGUNG 5:6

Au soi fe au touana susueng-nga lelesu-a, tehu ana lepos de ana la'o so. Au ahiik anseli no halan-na; au sangan, tehu manada'di tak. Au aloo na'den-na, tehu ta nataa fa.

KIDUNG AGUNG 6:9

tehu au manupui kaluang ka'da esa mesak-kana, au susueng-nga, inan ana kisa susuen-na. Anafe'oanak-kala lita ma ala koa-kion, basa ina manek-kala ma saoina makahatuk-kala lasamanan.

KIDUNG AGUNG 7:9

o bafam-ma makeek leo oe angol-la. nemen-na fo angol ndia oen-na faa leo au touana susueng-nga neu no ta ketu basa fan; ma nafofo'a susue tou-ta'ek, nakalenak soaneu hataholi bei manasunguk-kala.

KIDUNG AGUNG 8:7

Faa oek-ka ta bisa tao nakamate susue tou-ta'ek-ka fa ma faa ta bisa ba'u neni fan. Metema hataholi esa fe basa hata-heton lala'en-na fo ana asa susue tou-ta'ek soona, tao leo bee-o ana hapu ka'da nakadadaek.

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

YESAYA 52:14

Makahulun-na, hataholi makadotok litan de ala nggenge, boema ala tao lalutu mata-panan, nalosa ta nalupa hataholi daebafak so'on.

DANIAL 8:18

Lelek ana bei kola-kola te, au sapala'o. Tehu ana ho'u au de nafofo'a fali au, fo au apadeik falik. Boema nafa'da nae,

ZAKHARIA 4:1

Ata nusa so'dak fo manakokolak no au ndia, ana mai seluk, de nafofo'a au, sama leo nafofo'a hataholi manasunguk-ka,

MATEOS 7:8

Nanahu see noke soona, neukose ana sipo; see sanga soona, neukose ana hapu; ma see dedelu lelesu a soona, neukose lelesu a nanasoik.

MATEOS 8:17

Yesus tao basa manda'dik sila la, fo ela hata fo Nabi Yesaya nafa'da ka ana da'di. Nae leo ia, “Ana lu'a-lepa ita doidoson, ma Ana nakahahaik ita he'di-lau nala.”

MARKUS 1:35

Balahaa fafaianak fo bei makahahatuanak te Yesus fo'a, boema Ana la'oela uma ndia. Neu leo mamana nees esa nai kota ndia deak fo Ana hule-haladoi nai ndia.

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

LUKAS 6:12

Nai lelek ndia, Yesus kae leo pupukuk esa lain neu soaneu hulu-haladoi. Nai ndia Ana hule-hala doi neu Manetualain, le'odae katemak esa.

LUKAS 9:32

Lelek ndia Petrus ma nonoo nala mana sungu kala, tehu no kaiboboianak ala fo'a, de lita Yesus nandela-nasa'a, ma hapu hataholi dua lapadeik lon.

YOHANIS 10:4

Metema bi'i la laladeak soona, manafoo a nakahuluk, fo bi'i la tunga dea na, nana bi'i la lalelak hala na.

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

NINITAK 14:4

Hataholi sila la nde bee na hataholi isi matetuk lahele sama leo anafe'oana matatema, nanahu ala beita sungu-langape'uk lo ina anafe'ok la'iesa boen. Ala tunga Bi'ilopo Ana ndia su'di leo bee neu. Neme basa laun manai daebafa ka lala'ena dalek, sila nde nanasoi-po'i basak da'dileo tutunu-hohotu makasososak neu Manetualain ma neu Bi'ilopo Ana.

NINITAK 3:20

Mete leona! Te Au apadeik nai lelesu bafa na de Au dedelu. Metema hapu hataholi namanene Au hala nga, o ana soi lelesu a soona, neukose Au masok fo Au atongo on; neukose Au u'a sama-sama on, ma ndia na'a sama-sama no Au.

NINITAK 3:4

Tehu hataholi de'ubee nai emi dalek lai Sardis, bei laso'da malalaok lahele da'dileo hataholi Salani ka. Mahani te neukose hataholi sila la pake bua-lo'a fulak fo ala la'ok sama-sama lo Au, nanahu sila landaa soaneu dede'ak ndia.