KIDUNG AGUNG 5:16 - Susula Malalaok Hehelu Palak Ma Hehelu Beuk

¹⁶ Hala-kokolan makeek nanseli aoinan-na lala'en-na nadoe dale, au touana susueng, ma au tia-laing-nga leondiak, hai anafe'oana Yerusalem-mala lemin!

KIDUNG AGUNG 5:16 ပူးပေါင်းရင်းမြစ်များ

2 SEMUEL 1:23

Saul ma Yonatan hala-kokola mangana'uk, ma nanasue-laik; dalek esa-teik esa tataas esa, nai maso'dak ma mamates-sa dalek; sila nasafelon-na, lena heni manupui kaka'ka, be'i-balakain lena heni singa molisoluk.

MAZMUR 119:103

O dede'a-kokolam, makeek nanseli, makeen-na, lena heni fanioe-a, makeen-na!

MAZMUR 148:13

Malole lenak, sila basa-basas koa-kio Manetualain na'den-na, nana na'den-na, matua-madema lena heni basa na'dek lala'ena; matua-mademan, dema lena lalai ma daebafak-ka.

MAZMUR 19:10

Nakatele neu Manetualain ndia, malole, de nakatele losa dodoon-na. Manetualain hoholo-lalanen ndia, la'en ma basa-basan matetu-mandaak.

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MAZMUR 89:6

Nakabuak manai nusa so'dak-ka, koa-kio O tatao-nono'im fo matabeuk, ma lakamee O lilinekam, Manetualain.

KIDUNG AGUNG 1:16

O manahiik ma malelak susueng-ngo, te'e-te'e o manahiik ma malelak! Ita mamana susungun-na nai na'u momo'dok lain.

KIDUNG AGUNG 1:2

De'i au leona, menik o difadoom-ma o susuem-ma la'da-na lena heni angol-la!

KIDUNG AGUNG 1:5

Leomae au nggeok, tehu au mata makeek, hai anafe'oana Yerusalem-mala lemin; nggeok sama leo Kedar lalaa teman-nala, tehu mana'ahiik sama leo tema lelesu manai Salomo uma manen-na!

KIDUNG AGUNG 2:1

Au ka'da bunga mawar neme Saron mai, ma bunga tale nai bafak-kala dalek.

KIDUNG AGUNG 2:16

Au touana susueng-nga au nuung, ma ndia nuun au, ana foo bi'ilopon-nala nai bunga tale-la tala'da

KIDUNG AGUNG 2:3

Sama leo ai apel-la nai ai manai nula dale-la tala'da, leondiak boe, au inana susueng-nga nai basa touanak-kala tala'da. Au amahoko au sulu nai huun-na, boan-na makeek nanseli.

KIDUNG AGUNG 4:3

O difadoom-ma, sama leo tema pilas bibiak esa, ma o bafam-ma mana'ahiik. O nasebu'um-ma, sama leo dalima boa seselik, nafuni nai o lalaa langam dale.

KIDUNG AGUNG 6:3

Au touana susueng-nga nuun au, ma au nuung ndia, ana foo bi'ilopon-nala nai bunga tale-la tala'da.

KIDUNG AGUNG 7:9

o bafam-ma makeek leo oe angol-la. nemen-na fo angol ndia oen-na faa leo au touana susueng-nga neu no ta ketu basa fan; ma nafofo'a susue tou-ta'ek, nakalenak soaneu hataholi bei manasunguk-kala.

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

YEREMIA 3:20

Tehu o boeo, ta lilineka neu Au fa, sama leo saoinak fo, manalilineka taak-ka. Au, fo Manetualain nde manakokolak-ka.”

HOSEA 3:1

Manetualain nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

GALATIA 2:20

Besak ia, au ta nde aso'da fa, te Kristus nde naso'da nai au dale ka. So'dak fo au ame'dan nai besak ia, nde bee na maso'dak fo au hapun neme namahehelek neu Manetualain Anan fo mana sue-lai au a, ma Ana tunu-hotu basa ao ina na soaneu au so.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

YAKOBIS 2:23

Dede'ak ndia nandaa no Susula Malalao ka lalanen esa nde ia nae, “Abraham namahele Manetualain, ma hu ka nde namahehelen ndia de, Manetualain sipo kana, da'dileo hataholi mana tao tunga Manetualain hihii-nanaun.” Hu ndia de loke Abraham lae, “Manetualain tia-lain.”

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.