KIDUNG AGUNG 5:10 - Susula Malalaok Hehelu Palak Ma Hehelu Beuk

¹⁰ O touana susuem-ma makadelek ma mana'ahiik, nai hataholi lifun sanahulu dalek, ndia nai uluk.

KIDUNG AGUNG 5:10 ပူးပေါင်းရင်းမြစ်များ

MAZMUR 45:17

O, fo au maneng-nga, neukose o hapu anatouk makadotok, fo langatuu o bei-ba'i kaim-mala kandela manen-na. Neukose o taos da'di manakoasa neu daebafak-ka lala'ena.

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

KIDUNG AGUNG 2:1

Au ka'da bunga mawar neme Saron mai, ma bunga tale nai bafak-kala dalek.

YESAYA 10:18

Nula matuaina-la ma tina-osi maoe-maisik manai nusa Asyur-ra, neukose nanatao nakalulutuk la'iesak-kasa, sama leo hataholi kamahe'dis fo ana doi-doso losa mate.

YESAYA 59:19

Neukose basa hataholi-la, leme dulu losa muli, ala bii-lamata'u neu koasa ma matua-mademan. Neukose, Ana mai sama leo lee, fo oen-na naneni, fo Manetualain ani hahaen-na, nde taon-nan naneni ndia.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

RATAPAN 4:7

Makahulun-na ami mauli-malangam-mala neuisik sama leo abas fo fula balisi. Sila makadelek ma balakaik so'da-la'dak ma ta lamahe'di fa.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

IBRANI 2:10

Memak nandaa Manetualain fo mana makadada'dik basa hata lala'ena soaneu dale dudu'a na mesa kana, Ana tao Yesus manasoi-tefa fo matetu-mandaak, tunga doi-doson. No enok ndia, fo Manetualain nalo hataholi ba'u ka, soaneu ala tunga nananamatutua-namadedemak sama-sama lo Yesus. Nanahu Ndia nde manasoi enok ba'eneu sila soaneu bisa nanasoi-tefak.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

SEMUEL SUSULAK-KA ESAN-NA 16:12

Boema Isai nadenu leu laloo ni'iana ndia. Te se'kona ni'iana ndia, ta'eana ao kahelek esa, ma so'da-la'dak, ma matan-na manahiik. Boema Manetualain nafa'da Semuel nae, “Hataholi-a nde ndia!”