KIDUNG AGUNG 5:1 - Susula Malalaok Hehelu Palak Ma Hehelu Beuk

¹ Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

KIDUNG AGUNG 5:1 ပူးပေါင်းရင်းမြစ်များ

KEJADIAN 37:25

Lelek ala bei la'a-linu te, no kaiboik lita hataholi Ismael bubuak esa sa'e onta bei lai leleo-lala'on-na la dalek leme Gilead leo Masir leu. Sila onta nala fua bumbu-bumbu, balsam ma luu-luu.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

MAZMUR 16:3

Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

AMSAL 24:13

Anang-ngonei, minu fanioe, nana ndia malole. Sama leo fanioe maneme fani popolan-na mai, metema ninun soona makeek,

AMSAL 9:5

“Mai fo mu'a mita au nana'ang-ngala, ma minu mita angol fo au tao aok-kala.

KIDUNG AGUNG 1:13

Au taouana susueng-nga sama leo laluteik-ka boomenin-na, nai lelek nangape'uk nai au fanang lain.

KIDUNG AGUNG 4:16

Hai anin kii, fo'a leona, hai anin kona, mai leona! Filo-filo nai au osing dale, nemen-na, fo naboomeni. Sa'di tao leo bee fo au inaana susueng-nga neu leo osin dale neu, fo na'a ai boa mala'da hiin-nala.

KIDUNG AGUNG 4:8

Au saoinang-ngonei, mai fo ata kona teme Libanon mai, mai fo ata kona teme Libanon mai. Kona teme letek Amana poin-na mai leon, neme letek Senir ma letek Hermon-na po'in-na mai, fo meoasu ma singa mamana leleon-na.

KIDUNG AGUNG 6:11

Au u leo osi kenari u, au u mete bunga-bunga manai bafak-kala; fafa'kama ai angol-la hapu lapako so, ma ai dalima nabuna so.

KIDUNG AGUNG 6:2

Au touana susueng-nga neu leo osin dale neu, neu leo osi bumbun-na neu fo ana foo bi'ilopon-nala nai osi, ma ana ketu bunga tale.

KIDUNG AGUNG 8:1

Ah, sa'di leo been-na, au tolanoo bonging o, fo o su'u mita au inang su'un-na so, metema au atongo o o nai enok soona, tao leo bee-o, au de'i o, neukose ta hapu hataholi nakadadaek au fa.

KIDUNG AGUNG 8:13

Hai osi isin-nala lemin, o tia-laim-mala hii lamanene o halam-ma; fe au amanene o halam ndia!

YESAYA 23:18

Ana hapu nanalak ma ngga'di-a, neukose ana ta pe'da fan, tehu neukose ana tunu-hotu fen neu Manetualain. Hataholi fo manasene-do'ok neu Manetualain-na, neukose ala pake doik sila-la, soaneu ala asa nana'a-nininuk ma bua-lo'as fo sila paluu-ka.

YESAYA 5:1

Mamanene au nakameeng, la'eneu au tia-laing-nga osi angon-na Au tia-laing-nga, nanuu osi angol nai pupukuk malolek-ka huun-na.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YESAYA 61:11

Sama leo bini-ngges fo, nanasele-nggalik-ka, neukose ana moli, fo ana da'di bubu'u-palusa, leondiak boe Manetualain nakamomolik so'da-molek-ka, de basa leoinak-kala, neukose koa-kion.”

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YESAYA 66:14

Emi mita ndia soona, neukose emi mamahoko-setelee, ma emi da'di balakaik, ma so'da-la'dak sama leo na'u nulak-ka. Boema Au atang-ngala, neukose ala la'ola'di Au koasang-nga ma Au musung-ngala, neukose ala lame'da lita Au nasa-melung.”

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

LUKAS 12:4

“Mafandendelek leon tia-lai ngala lemin! Boso bii neu sila fo bisa mana taonisa emi, nanahu ala bisa taolisa ka'da emi ao paa ma, ma ta hapu tao lenak neme ndia mai fa.

YOHANIS 3:29

Mana kabing ina ka nde bee soona, manakabing tou ka nuun ndia. Fo mana kabing tou ka tia-lain, ka'da lapadeik leu boboa na, fo metema lamanene mana kabing tou ka hala na soona, lamahoko. Au boeo leondiak boe. Besak ia, au amahoko anseli.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

HAKIM-HAKIM 14:11

Lelek, hataholi Filistin-nala litan boema, ala hele-la, ta'eanak 30, fo leu tao tia-laik lon.

HAKIM-HAKIM 14:20

Boema Simson aliaman-na, fe Simson saoinan ndia, leo hataholi manatunga Simson, nai lelek ana ka'bing-nga.