KIDUNG AGUNG 4:9 - Susula Malalaok Hehelu Palak Ma Hehelu Beuk

⁹ O tao matu'da au daleng-nga fa'ding-ngo, au saoinang-ngo, o tao matu'da au daleng-nga nenik o mata mametem-ma, nenik poemata mana'ahiik manai o henum-ma.

KIDUNG AGUNG 4:9 ပူးပေါင်းရင်းမြစ်များ

KEJADIAN 20:12

Bai te, memak au fa'ding ndia. Ami ama esa, tehu esak inan, de basa boema ami sao.

MAZMUR 45:9

O papake-ngganggaom naboo laluteik, gaharu ma kainituk; manamakaminak sasanu manai uma manek ngga'di dui-a, tao-la o mamahoko.

AMSAL 1:9

nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.

AMSAL 6:25

O dalem-ma boso tu'da neu sila mata maketuan-na, boso makadita neu sila matan fo manafufu'di-oo'dok-ka.

KIDUNG AGUNG 1:10

O nasebu'um-ma mana'ahiik nai lilo-henu tala'da, o botoliim-ma mana'ahiik no henu poemata.

KIDUNG AGUNG 1:15

O mana'ahiik manseli, ou au mata makeeng-ngonei, te'e-te'e o mata makeek! O matam-ma sama leo manupui kalua.

KIDUNG AGUNG 3:11

Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.

KIDUNG AGUNG 4:10

O susuem-ma la'dan-na seli, fa'ding-ngo, au saoinang-ngo, la'dan-na lena heni angol-la O minam-ma naboomeni, lena heni basa bumbu mata-matak lala'en-na.

KIDUNG AGUNG 4:12

Au inaana susueng-nga nde been-na osi mapapala nanadamak, osi mapapala nanadamak-ka, oemata nanaggoe nisak.

KIDUNG AGUNG 6:12

Au ahiik anseli no o susue tou-ta'em-ma, sama leo au ahiik sa'e kaleta musu sama-sama o basa manefetoana-la.

KIDUNG AGUNG 6:5

Lepos masadea au, nana o mata memete-ma, tao-na au apangamak. O langa doom-ma, sama leo bi'ihii bubuak manakona neme pupukuk Gilead-ta mai.

KIDUNG AGUNG 7:10

Au touana susueng-nga nuun au, de nahiik au.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 62:5

Sama leo touana muli-soluk esa, ana ka'bing no, anafe'oana matatema esa, Leondiak boe, o Manamakadada'dim-ma, neukose Ana ka'bing no o. Sama leo manaka'bing touk esa namahoko nita saoinan-na, leondiak neukose Manetualain dalen-na, nandaa no o.

YESKIAL 16:11

Au balias o nenik poemata, lilo-henu ma suek.

DANIAL 5:7

Ana nggasi ma noke fo ela leu laloo basa dukun-nala ma hataholi malela nduuk-kala. Lelek ala mai boema, manek-ka nafa'da nae, “Ba'eneu see fo ana hapu lees-nala susula liik ndia, ma nafa'da au sosoa-ndandaan soona, neukose au fen bua papake manek sama leo ba'du manalu ma lilopilas da'dileo ta'du-tana ha'da-holomata. Fe'ek neme ndia mai, neukose au so'un da'di manakoasa ka telu nai au nusang dale.”

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

YOHANIS 3:29

Mana kabing ina ka nde bee soona, manakabing tou ka nuun ndia. Fo mana kabing tou ka tia-lain, ka'da lapadeik leu boboa na, fo metema lamanene mana kabing tou ka hala na soona, lamahoko. Au boeo leondiak boe. Besak ia, au amahoko anseli.

1 KORINTUS 9:5

Ade au ta anuu hak la'ok o saoina kamahehelek esa nai au leleo-lala'o nga dalek, sama leo Lamatuak Yesus tolanoo nala ma hataholi nadedenu fe'e kala, fo leo Petrus ala tao ka fa do?

2 KORINTUS 11:2

Au ahiik emi sama leo Manetualain boeo nahiik emi. Emi sama na leo ana fe'oanak fo bei malalaok, fo au aheluk basa on fo fen kabing no touk esa, fo nde Kristus.

NINITAK 21:2

Boema au ita kota malalaok ndia, fo nde Yerusalem beu ka ana kona neme nusa so'da ka, fo neme Manetualain mai. Kota ndia nanasadia basak sama leo penganten inak esa nanapainotek soaneu natongo no penganten tou ka.