KIDUNG AGUNG 4:1 - Susula Malalaok Hehelu Palak Ma Hehelu Beuk

¹ O mata makeek, au susueng-ngo teta'ek-ka, o mata makeek o matam-ma, nai o lalaa langam dale, sama leo manupui kalua; o langadoom-ma, sama leo bi'ihii bubuak manakona leme pupukuk Gilead-tala mai.

KIDUNG AGUNG 4:1 ပူးပေါင်းရင်းမြစ်များ

MAZMUR 45:11

Hai ina maneana nei, mamanene au dede'a-kokolang, boso mafandele o leoinam-ma, ma o tia-laim-mala.

KIDUNG AGUNG 1:15

O mana'ahiik manseli, ou au mata makeeng-ngonei, te'e-te'e o mata makeek! O matam-ma sama leo manupui kalua.

KIDUNG AGUNG 2:10

Mamanene te, au touana susueng-nga kokolak no au. Mai leon fa'ding-ngo, mai leon au mata makeeng-ngonei!

KIDUNG AGUNG 2:14

Ou au manupui kaluang manai batu lelak-kala, nai mamana nafunik manai masakakalak madema-la, nemen-na, fo au ita o mata-panam, ma amanene o halam-ma, nana o mata-panam makeek ma o halam-ma lolen-na seli.

KIDUNG AGUNG 6:5

Lepos masadea au, nana o mata memete-ma, tao-na au apangamak. O langa doom-ma, sama leo bi'ihii bubuak manakona neme pupukuk Gilead-ta mai.

KIDUNG AGUNG 6:7

O nasebu'um-ma, sama leo dalima boa seselik, nafuni nai o lalaa langam dale.

KIDUNG AGUNG 7:5

O langam-ma, sama leo pupukuk Karmel-la; O langa doom fo mananala'ek-ka, sama no bunga malolongek fo bunan-na pilabalanggeok, makeek nanseli sama leo manek esa.

YEREMIA 22:6

Ba'eneu Au soona, manek Yehuda mamana manen-na mana'ahiik nan seli, mana'an-na leo dae Gilead-ta ma letek-letek Libanon; tehu mamanak ndia Au taon sama leo mok solokaek fo ta hapu hataholi esa boen leon fa.

YESKIAL 16:14

Basa leoina lala'en-na, ala koa-kio o mata makeem fo matetu-mandaak ndia, nana Au nde tao o, da'di mata makeek. Au, Manetualain Fo Mademaina, nde manakokolak-ka.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

BILANGAN 32:1

Leo Ruben ma leo Gad-ta, bana-manun makadotok nanseli Lelek lita dae Yaezer ma dae Gilead-ta, lolen-na seli, soaneu nakaboboi bana-manu boema,

BILANGAN 32:40

Hu ndia de, Musa fe dae Gilead ndia leo leo-ingu Makhir-ra neu, de ala leo lahele leme ndia.

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.