KIDUNG AGUNG 3:6 - Susula Malalaok Hehelu Palak Ma Hehelu Beuk

⁶ Ade ndia fo manamaik neme moo solokaek-ka mai, nalupa leo ha'i masu bubuak-ka do? Boomenin-na sama leo laluteik ma boomenik-ka, ma manadangan-nala badaa kaboomenin-nala.

KIDUNG AGUNG 3:6 ပူးပေါင်းရင်းမြစ်များ

KELUARAN 30:34

Manetualain nafa'da Musa nae, “Ho'i-ma bumbu matak de'ubee bekedede'uk, fo nde: luu-luu daa, ai lou kaboomenik, ai kaboomenik-ka daan-na ma boomeni isik.

AMSAL 7:17

ma au pisi nenik mina kaboomenik mur, kainituk ma ai louu makeek so.

KIDUNG AGUNG 1:13

Au taouana susueng-nga sama leo laluteik-ka boomenin-na, nai lelek nangape'uk nai au fanang lain.

KIDUNG AGUNG 1:3

O maboomeni manseli, o na'dem-ma sama leo mina kaboomenik fo po'a henin; hu ndia de anafe'oanak-kala hii o!

KIDUNG AGUNG 3:7

Mitak, Salomo kandela anan-na nde ndia, hataholi ao kahelek 60 okofeo-lan, hataholi israel ao kahelek,

KIDUNG AGUNG 4:6

Au hii u leo letek laluteik-ka u, leo pupuku boomenik-ka u, losa anin lolebalahaak-ka filo-filo mai, fo tao namopo makahatu le'odaek-ka.

KIDUNG AGUNG 5:13

Nasebu'un-na, sama leo osi bumbu kaboomenik, difadoon-na nde been-na, bunga tale manati'ti lalutei isik.

KIDUNG AGUNG 5:5

Boema au fo'a leona fo au sanga soi fe au touana susueng-nga lelesu-a. Laluteik-ka ti'ti neme au limang-nga, ma au lima ku'ung-ngala mai, de nakadoe lelesu nggoen-na.

KIDUNG AGUNG 8:5

See manamaik neme moo solokaek-ka mai ndia, nasalai dean-na neu inaana susuen-na? Au fafae afo'a o nai ai apel-la huun-na, nai mamanak fo o nananailuk ma nanabongik.

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 31:2

Au atu'du Au susue-lalaing neu sila fo mananala deak neme mamates-sa mai nai mook-solokaek-ka. Lelek fo Israel sanga dale manatesa-tamak-ka.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

MATEOS 2:11

Boema lakandoo leo uma dale leu de lita ni'iana ndia no inan Maria. Tutika ala senek de lakaluku-lakatele neu ni'iana ndia. Boema ala buka sila mamana pepe'da bua lo'an de, ala ho'i-la sila tutunu-hohotun de ala fen neu ni'iana ndia. Hataholi kateluk sila la lini lilopilas, boominik, ma aidaa tuu kaboominik.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

FILIPI 4:18

Au sipoalas te see ko na dai ma lena! Emi haitua fe au basa tutulu fafali kala, au sipo alas neme Epafroditus mai so. Besak ia, au hapu basa hata fo au paluu ka so. Emi fe feem sila la, sama leo tutunu-hohotu kaboo minik esa, fo ala fen leo Manetualai na neu de, Manetualain sipo nan no namahokok.

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.

NINITAK 12:6

Boema inak ndia nalai leo mo maloa neu, leo mamanak fo Manetualain sadia basan ba'eneun. Inak ndia nananakaboboik faik lifun esa natun dua nehulu dale na nai mamanak ndia.

NINITAK 18:13

ai lou makeek, bumbu-bumbu, boominik, ai daa tuuk, ma boominik; angol ma mina, ha'desopuk ma gandum; sapi ma bi'ilopo, ndala ma kaleta, ata la, lena-lenak hataholi a ani hahae na boe.

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.