KIDUNG AGUNG 2:14 - Susula Malalaok Hehelu Palak Ma Hehelu Beuk

¹⁴ Ou au manupui kaluang manai batu lelak-kala, nai mamana nafunik manai masakakalak madema-la, nemen-na, fo au ita o mata-panam, ma amanene o halam-ma, nana o mata-panam makeek ma o halam-ma lolen-na seli.

KIDUNG AGUNG 2:14 ပူးပေါင်းရင်းမြစ်များ

AYUB 9:16

Leouni'ka, Ana nataa au nai lelek au aloo bou-bou soona, au daleng-nga naba'e, ade tete'ek-ka, Ana nau namanene au halang-nga do ta?

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 22:3

Ou au Manetualaing, au aloo bou-bou nai fai lele'don-na, tehu O denge-denge mahele. Au hule-haladoi nai fai le'odaen-na, tehu au daleng-nga ta tesa-tama fa.

MAZMUR 45:11

Hai ina maneana nei, mamanene au dede'a-kokolang, boso mafandele o leoinam-ma, ma o tia-laim-mala.

MAZMUR 45:12

O mata makeem-ma, tao natu'da manek-ka dalen-na, o tuam-ma nde ndia, de makatele neun.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

MAZMUR 68:13

Manek-kala loo solda'dun-nala, lalai so!” Ala lalai sama leo manupui kalua ana laa fo nalai. Basa inak mania uma-la, ala baba'e, lilofulak ma lilopilas nanala'o elak-kala. Leomae Manetualain anan-nala, makadotok ta tunga natee-natatik-ka fa, tehu ala sengi.

MAZMUR 74:19

Boso fe O anam fo manamale-talek ia-la leo musu fo ha'da hataholi tak-ka, liman neu. Losa dodoon-na, boso mafandele heni O anam fo, ua-nalen-nala ta malole fa.

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

KIDUNG AGUNG 1:15

O mana'ahiik manseli, ou au mata makeeng-ngonei, te'e-te'e o mata makeek! O matam-ma sama leo manupui kalua.

KIDUNG AGUNG 1:5

Leomae au nggeok, tehu au mata makeek, hai anafe'oana Yerusalem-mala lemin; nggeok sama leo Kedar lalaa teman-nala, tehu mana'ahiik sama leo tema lelesu manai Salomo uma manen-na!

KIDUNG AGUNG 1:8

Masa bole o ta bubuluk mamanan-na fa hai anafe'oanak manai inak-kala tala'da? Tunga ka'da bi'ilopo bubuak-kala ei mamanan-nala, ma foo o bi'ihiim-mala nai deka noo manafoo-la ofun-na.

KIDUNG AGUNG 5:2

Au sungu, tehu au daleng-nga kame'dak. Mamanene te, au touana susueng-nga dedelu lelesu-a. Soi lelesu fa'ding-ngo, au inaana susueng-nga, au manupui kaluang-nga, au susueng-nga; Au langa doong-nga nakadoe dinis le'odaek-ka.

KIDUNG AGUNG 8:13

Hai osi isin-nala lemin, o tia-laim-mala hii lamanene o halam-ma; fe au amanene o halam ndia!

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YESAYA 60:8

Beek manalaak ndia, de sama leo ko'as-sa, ma sama leo manupui kalua, ana laa fali ma'in?

YEREMIA 48:28

Emi fo Moab laun-nala lemin, la'oela emi kotam-mala fo leo nai kakalak dalek sama leo manupui kalua ana tao ndunu-na nai felak madema su'un-na.

YEREMIA 49:16

O koam-ma tao-na namanggoa. Ta hapu esa boen fo ana bii o sama leo o dudu'a-aafim-ma. O leo nai batu maka'bik fo dook-ka nai lete poik. Tehu mae o tao uma nai mamana madema nanseli; deman-na sama leo manupui kaka-ka ndunun-na, Manetualain nakona o neme ndia. Manetualain fo nde nafa'da basa sila-la.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

OBAJA 1:3

O dale manakoao-ndaeaom-ma ke'di-ndiu o so. O nusam-ma polon-na nde been-na lete batu matea-mahelek. O mamana leleom-ma nai lete madema-la poin-na. Hu ndia de, emi bedoo mae, see kande bisa tao nabuu au?

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

KOLOSE 1:22

Tehu besak ia no Manetualain Ana na mamate na de Manetualain tao na emi tututi nanatom mon ana, malole falik. No enok ndia, emi hapu masasale matak mo Manetualain no heheo-hihilu malalaok, matetu mandaak ma sala-singo tak.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

1 PETRUS 3:4

Tehu ela leo bee na emi malole-manapu nai emi dalem dale, fo nde ha'da-palii malole-mangana'u ka, ma nenee-lino lino ka; ndia nde lole-napu matea-mahelek ma kabelik tunga Manetualain mata memete na.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.